الشاعر حماده النخيلى ( حلم البراءه )

( حلم البراءه اللى اتقتل))
يا طفل مين حلمك قتل
والحلم ليه أصبح سجين
والحُزن من روحك هطل
وسْمِعتْ للقلب أنين
الطفل شال الحِمل ليه
ونِزل فى ساحات العمل
مِن بَدْرى شِلت الهم ليه
والطِفل ليه أصبح جمل
يا اللى بتسأل ع السبب
بُصِ بعيونك وشوف
يعنى أنا غاوى التعب
مِش كل واحد وِلُهْ ظروف
فى زىِّ ياما كتير ألوف
أطفال وللهم نزل
وياما زىِّ كتير تشوف
حلم البراءة اللى اتقتل
.........................................
حماده النخيلى

» الشاعر حماده النخيلى . فى حب رابطة شعراء العامية المصرية
» الشاعر حمادة النخيلى
» الشاعر حماده صلاح الشافعى
» الشاعر / عصام قمر
» مربع إهداء من الشاعر محمد فتحى الى الشاعر عطية شواش