رباعيات ومربعات للشاعر هلال ابراهيم

رباعيات ومربعات
للشاعر/ هلال ابراهيم

(1)
يا مخلوق من ميه وتـــراب
بقى ليك أحباب وأتــــراب
وعرفت إزاى تدفن أخـــوك
واللى علمك كان الغـــراب
*****************
(2)
أوهب لك عمرى ومــــا يكفى
وأقدم لك روحى على كـــفى
لجل ما تعيشى يا بلدى حره
وما أشوفكيش تانى بتـتكفى
******************
(3)
عمر الرجال مـــا يتوزنوا بمــــال
واللى ما عندوهوش أصل مــال
وعمر الميزان ما يكون مـــــقلوب
الكفه تبقى فوق وتحت المـكيال
********************
(4)
بالأكل مديت له إيدى وكل منى
ولما اشتد عوده راح مــا كلمنى
ســــابنى ولاف على غــــــيرى
قـــــال إيه زهق وكـــــــل منى
*******************

قال لى مشتاق للركوع
انا قلت قلبى سجاده
خايفه عليه من الرجوع
والعشق عنده عباده
-------
عاشق و القلب صوفى
طاهر ومتوضى ضى
حبه ده من غزل صوفى
و قلبى بعشقه حى
-------
رائع ما قدمت يداك اخى المميز

» رباعيات ... هلال ابراهيم
» قصيدة "" أمتى "" للشاعر ابراهيم بيومى المحامى (فديو)
» هلال ابراهيم ..... الشعب يريد الكستوووووووووور
» رباعيات *قصيدة أمانه يابكرة للشاعر محمد عبد العزيز عطا
» قصيدة "" خمسه وعشرين يناير "" للشاعر ابراهيم بيومى محام بالنقض