قصيدة (فيكى ايه) للشاعر محمد عبد العزيز عطا

فيكى ايه
********
حبى ليكى حاجة تانية
حب من أول دقيقة
حب عايش من سنين
هى دى كل الحقيقة
....................
فيكى ايه مش فى البنات؟
واخده قلبى من سكات
فيكى حاجة مدارية
نستنى كل اللى فات
......................

فيكى ايه مش فى الصبايا؟
خلى عقلى موش معايا
خلى روحى منى تايهة
مش بإيدى ولا برضايا
....................
كان منايا اكون معاكى
دا انتى روحى وكل عمرى
ارسم عيونك على صدر ليلى

تكون دليلى وتكون لى قمرى
......................
يا احلى حُب نور حياتى
انا فى ليلة حلمت بيكى
وكنت  واقف مابين ايديكى
كنت باكى وانتى باكية
والفراق مكتوب علىّ
وإنكتب والله عليكى
..................
كنت بحلم مرة تانية
إنى بجرى كتير وراكى
عشان بس اشوف عنيكى
دا إنتى فرحة عمر عدا
واللى جاى ها اكون معاكى
........................
ماانتى حبى م البداية
والبداية لو انتى فاكرة
كانت حكاية ومنتهتش
كنت شايل فوق كتافى
أحمال كتيرة ومشتكتش
يلاّ نبدأ من جديد
يلا نحلم من جديد
ونعيش سوا العمر السعيد
******************
@@@محمدعطا@@@

3/3/2012

عاشقك
*********
عاشقك ياست النساء
و فى إيدى شايلك ورد
وفي قلبي كل الوفاء
شايف امامى النجوم
لكن عليها الغيوم
بس انتى ياقلبى القمر
من غير كلام أو لوم
بجدد لكى الولاء
يامالكة قلبى من عصور
لمابشوفك بيهف النسيم
وبشم كل العطور
وبيهدى قلبى م الالم
وبتستقر الامور
اشتاق اليكى ياقدرى
يا اجمل الاقدار
لكى حبى واحترامى
فى قربك بتكون سعادتى
وف بعدك قهر ومرار
****************
@@@محمد عطا@@@
1/2/2014