بدون مونتاج

بدون مونتاج
___________
من بعد عصر الملوك بنص قرن لأبوك
لحسن سير السلوك كفارة يا " حرية " ****" بدون مونتاج " "
فضائيات "فى إيد سايس من الأمرا..
بتفتح كلمة مقفولة وتكسر خطوة منقولة ويعرضها على الفقرا
بينصب على الهوا سامر يعبى الليل ويتفضى
أصحى الفجر يتوضى
ركبنى الصبح مرجيحة تمرجحنى
أدوس فيها .. أعليها ؛ ترجعنى ورا الطوابير
بحصة عيش مع البنزين طابور توأم بيتزاحم لكنى نسيت ..
بروز ترس الحياة واقف بـ " جركن " زيت
طرحت الصفر م الزيرو نجوم كلاكيت
تصورنى وتتحمض فى ماسبيرو فى " بيت بيتى "
بتتحلل فلس مزمن تمد الكاميرا بإيديها بتتسول على المرضى
تبص الخلق فى عينيها على قوتها وتستنى خبر موتها
أموت منى وأنا صاحى
تفوت ساعة على النشرة ريموت بينعم البشرة
فى إيد البنت كوتشينة وبتدور على الشايب
شوكتها توقف النايب
حوار مكتوب تحدف طوب
يركب طوبة فوق طوبة يرد الجملة منصوبة
نروح فاصل بكام
إعلان
لحد ما يحصدوا الغلة
فتحت الخط ع الفتوى
قناة الشرع مختلفة
تشرعنى ترضعنى تخاوينى أنا وجارتى
مسحت ودانى ببشاورة
وعقلى أصبح استاندر شعوب الريف بتتبندر
وتتقلب مع القنوات " ريهام " فى النار
وإيه يفرق ؟ ! ريهام ع النار
خرمت الشاشة أتعشى لقيت تسعة وست اصفار
على جايزة قيمتها حمار حلمت اكسب
وقلت إزاى ...... وأنا المكسب
وباتنوع مع الملعب لقيت رقصة على العارضة
ترص اليورو فى المرمى
نزلت العمر من نصى لبست " تى شيرت " سوقنى
بآخر كارت بالعب به بِوِش أحمر بيستغنى
مشيت ع الخط بالمنهج سألت الدنيا : ليه بانهج ؟!
فتحت الطبعة م الأول رجعت بِفِـكْر عامنول
أشد الليل على الآخر بازق الفجر يتاخر
ركبنى الصبح مرجيحة تمرجحنى ورا الطوابير
بحصة عيش مع البنزين طابور توأم بيتزاجم
لكنى نسيت بروز ترس الحياة واقف
بـ جركن زيت " .

شكرا لك على المساهمة القيمة
وإن شاء الله القادم أجمل
لك أرق تحية وباقة من الفل والياسمين

» عالم بدون تامر
» افكار بدون ترتيب