قصيدة تعالى اقلك للشاعر حسن احمد

تعالى اقلك كلمة ف ودنك
قرب ودنك وانا اهمسلك
سيبنى احكيلك ع اللى حصلى
واللى جرالى من يوم بعدك
الشوق ليك سهرنى ليالى
واما بنام بالليل بحلمبك
كنت استنى الساعة تعدى
تجرى بسرعة عشان اجى اقابلك
الاوقات بتعدى بطيئة
لما تكون مش جنب حبايبك
والدنيا طعمها يتغير
حتى ملامحى غير وانا جنبك
حتى اصحابى لاحظو عليا
قالو مالك ايه اللى حصلك؟
قلت ما فيش حاجة يا حبايبى
روحى مسافرة رايحة تقابلك
لما ها تيجى ها اضحك تانى
يلا تعالى قلى وحشتك