قصيدة دور يا جوجل للشاعر حسن احمد

فتحت( جوجل )
وكتبت (قلبي )
وقلت يلا
دور عليه
ده كان معايا
قاعد ف جنبي
معرفش سافر
وسابني ليه
راح للحبايب
مسمعش عقلي
وسابني وحدي
معرفش ليه
العقل قاله
اعقل يا قلبي
هتحب ليه
ما لقاهش جوجل
شوفيه معاكي
خليه يروح
ويسيب هواكى
لا انا هقدر اوعد
ولا هقدر اسعد
عشان احبك واحلم بقربك
ارجوكي سامحي
وانسي ملامحي
وانسي اني شوفتك
وف يوم عرفتك
سامحيه لانه
ده قضى عمره
يدور عليكي
علشان يروحلك
اصل الحكاية
ده قلب شاعر
مليان جنان
يبقى معايا
والقاه ف لمحة سافر مكان
لا مش هخبي
ده بس هو
عملها مرة
ودي كمان
يحسبها انتي
ومسيره يرجع
يسمع لعقلي وينسي الجنان
قوليلي انتي
الحب ينفع
كده من بعيد
لو كان هينفع
خليه يحبك ويعيش سعيد
يا ريته ينفع
قلبي يحبك ويعيش سعيد