الفلاح العـــــــــــربى ف مصر/ لسيد يوسف مرسى

رافع راسه طول العصر
شايل فاسه فوق اكتافه
وارضه ف ايده
ويغنى يا مصــــــــــر
الفلاح العربى ف مصر
يشوف النيل يلقى تحية
يرمى سلام على طعم المية
يغسل وشه ويطهر توبه
ويحلف بالله ويقول جنة يا مصر
الفلاح العربى ف مصر
يزرع أرضه ويعصرنفسه عصر
بيزرع فيها أشكال والوان
منجة وبامية وقوطة
وجميع الاخضار
قطن المصرى طويل التيلة
لف الدنيا من غير حيلة
أبيض ناصع سيرته جميلة
لكن التيلة قطوعها بالحيلة
الفلاح العربى ف مصر
راحت الأرض مبانى
قدام عينه قال القصب
اكفايه علــــــــــــــينا
فضل السكر جوه عينيا
لكن السعرمش كد الشغل
تعبه كتير بس حماية
جابوا تقاوى مش ع البال
راح السكر من الغربال
والفلاح عمره ما قال
عاش مكدود مش مرتاح
بس الشكوى تكون للرب
الفلاح العربى ف مصر
سواعده قويه ومسعداه
يغزل توبه بكل قواه
بس الدنيا أكيد ظلماه
شايل غلبه فوق اكتافه
عاكش توبه ورابط نصه
نازل يدور وغلبه وراه
يوم ينام ويوم يقب
ويوم يدور على ولداه
وكل مايمشى يلاقى سد
حتى التور تعب وياه
قله التور استنى شويه
امكن ألاقى اشوية مية
نشرب منها ونروى الزرع
خطى برجله صادوه بحبل
لازم يسكت لو شاف ندل
بس التور مش راضى بالحال
ساب الساقيه والحوال
وراح يتفسح فى الشلال
فاكر الدنيا زى زمان
يلعب فيها بين الادغال
قله صحيبه اكفايه امال
ليه الــــــــلف والدوران
نتعب روحنا بالأقوال
بس القعدة يارب سئيمة
حتى الترعة رودموها بالحينة
أمكن تفرج ليهم ولينا
الفلاح العربى ف مصر
حاطط ايده تحت الخد
نازل يدعى يارب يارب
حتى الساقيه مراضيه تدور
فين الميه واخينا التور
بدل نعله بالحنطور
وركب الدنيا من تحت لفوق
نفسه يقب زى الخلق
ويرجع رافع راسه طبعا فوق


تحياتى// سيد يوسف مرسى