الكرامه .... ناصر

11.01.201304:13:17
إتجمع الدُّخَّان
وقال علي ناصر
ماكانشي يوم إنسان
وحش وكمان كاسر

قالوا عيوبه كتير !؟
بس التاريخ يشهد
ماكانشي م الطراطير
ضميره كان مرشِد !

ولا قال عزيزي بيريز !!
عِشقك بيأسرني
ولاسابشي فيكو معيز
جاهلة تكفرني

ياخلق مش فاهمه
ادعوا له بالرحمة
ناصر ده كان عضمه
في حلق الاستعمار

لاخاف من العِبري
ولا شربش سيجار
ولا كان ياناس كوبري
ولا غداه كافيار

ولو شرفكو دقون
رماكو ليه ف سجون
قلتوا عليه فرعون
لكن ماهوش كافر

من بعدها عارفين ..
مين اللي باع الدين
واللي يبيع الطين
ح يبيعنا م الآخر

أرضك عليها عيون
صون البلد ح تكون
ف الإسم والمضمون
زي الحبيب ناصر
زي العظيم ناصر

فارس القرشي
11.01.201304:13:47