الموال السباعى النعمانى . ويسمى موال زهيرى . و موال سبعاوى

الموال السباعى النعمانى
ويسمى أيضا موال زهيرى . و موال سبعاوى
واليكم نماذج مختلفة لمجموعة من الشعراء
فى هذا الموضوع المتجدد دائما فتابعونا بإستمرار
___________________________
‏محمد عبدالرازق زهيرى‏
العيب
****
(موال زهيرى)
--------------
ان جالك العيب من اهله يبقى دا مش عيب
وان هب فيك كلبهم فى الاصل طبعه غريب
ولو حمارهم رفص رفصه دا اصله عجيب
حوش ياطبيب المبالى عنى ظلم الغير
ولحاسين الطبالى ياعاقل ماوراهم خير
ياكلوا فى خيرك ويبقوا للعدو كمجير
واشكى لمين الدناوه فى البشر ياطبيب
______________________
‏محمد عبدالرازق زهيرى‏
العفه
***
(موال زهيرى)
--------------
تعف نفسك تكون غالى مابين الناس
وتعيش نضيف الغرض متوضى بالاحساس
وتصلى ركعه بخشوع لله وتهوى الناس
والناس صنايع عمايلك لو ردى او خير
وابعت اليهم جمايلك مسرعه كالطير
واوعى تعاير صديقك اوتعيش ع الغير
صديق يصادق فى وده يبقى ليك وناس
-----------------------
محمد عبدالرازق زهيرى‏
سايق عليك الغرام
***********
(موال زهيرى)
--------------
سايق عليك الغرام ياكامل الاوصاف
تحس باللى انكوى بالحسن فيك يوم طاف
سحر العيون اللى يروى م العطش شواف
لمحت عنيه سهام لحظك صرعنى الحب
زودت نبضى وسكنت نظرتك فى القلب
نظره لصريع الغرام ولقلب والله صب
والحب هوه اللى جانى ياخفى الالطاف
--------------------------

» موال زهيرى . محمد عبد الرازق زهيرى
» موال سبعاوى 2
» موال سبعاوى 1
» موال.محمد عبد الرازق زهيرى . قراءة محمد فتحى السيد
» الموال الرباعى المصرى أو الموال الربعاوى . نماذج لمجموعة شعراء