منيش هامش ابداع مشترك بين جيهان فتحى ومحمد فتحى

[center]ابداع جديد مشترك بين
الشاعرة جيهان فتحى خنساء الاسكندرية
والشاعر محمد فتحى السيد
رئيس رابطة شعراء العامية المصرية
____________________________
***** جيهان فتحى *****
..............................................
منيش هامش ...
ولا شئ يدوب عايش ..
على حدودك ..
وبين اللحظة والتانية ..
تدوق الشهد وف ثانية ..
يموت الورد ف خدودك ..
تاخدني ف لحظة أحلى قرار ..
ولحظة تغيب وبالمشوار ..
وبينهم .. كارهة أنا سدودك ..
ولا هقبل لأعذارك ..
بايدي قطعت مشوارك ..
كتير كداب وف وعودك ..
.........................................
جيهان فتحي
****************************
___________________________
رد ***** محمد فتحى السيد *****
...................................................
تكونى ازاى على الهامش ؟
وانتى الفكره والمضمون .
أنا ف بعدك مانيش عايش .
ولو حتى ملكت الكون .

ومين قالك مابينا سدود ؟ .
وانتى الشعر والألحان .
وكلمة حب شيء محدود .
ونقطة دم فى الشريان .

واعذارى ماتلزمشى .
مادام فى العقل حطانى .
ولو قلتى فى يوم امشى .
مشاعرك لسه حضنانى .
.............................................
محمد فتحى السيد

روووووووووووووعة
ودي وتقديري

» جيهان فتحي ومحمد فتحى السيد ( مانيش هامش )
» لقاء الحروف . الشاعر محمد فتحى والشاعرة جيهان فتحى ( 1 )
» اهداء من الشاعر محمد فتحى للشاعرة جيهان فتحى
» الشاعر محمد فتحى السيد والشاعرة جيهان فتحى فى سجال عيون القمر . وآراء النقاد
» عزة الزرقانى ومحمد فتحى السيد ( نفسك تشوفنى ؟ )