| فى حب الأم والوطن . ديوان جماعى لمجموعة شعراء | |
|
|
كاتب الموضوع | رسالة |
---|
الشاعر محمد فتحى السيد رئيس مجلس الإدارة
عدد المساهمات : 317 نقاط : 513 السٌّمعَة : 0 تاريخ التسجيل : 18/10/2011 العمر : 59 الموقع : مصر
| موضوع: فى حب الأم والوطن . ديوان جماعى لمجموعة شعراء الإثنين 1 أبريل 2013 - 12:15 | |
| السلام عليكم ورحمة الله وبركاته أصدقائى الأعزاء فى 21 مارس 2013 نشرت نصاً بمناسبة احتفالات عيد الأم فعلق الكثير من نجوم رابطة شعراء العامية المصرية بأشعارهم الراقية فاقترح علىّ صديقى الشاعر الحسينى منير الشربينى ان نقوم بتجميع كل المشاركات القيمة لنشرها فى كتاب جماعى بالفعل سنقوم بتجميع المشاركات ونشرها فى اقرب فرصة ( فى حب الأم والوطن ) ديوان جماعى لمجموعة شعراء . قريبا بالأسواق . ____________________________________ (1 ) الشاعر محمد فتحى أمى الله يرحمها ماتت . ولكن !! أمى وأمنا كلنا لسه عايشه وعمرها ماهتموت ابدا أمى وأم الدنيا كلها مصر كل سنه وانتى طيبه ______________________________
لمصر فى عيد الأم 2013 ___________________ فى يوم عيدك ياأمى لازم فى حضنك أغنى رغم ان اخويا مات وبدمه انا متحنى يا أم للأمهات خلى جبينك فوق كام صعب مر وفات ؟ كام زوبعه بتروق ؟ كام قلب حب ومال ؟ و بالغرام انكوى كام عم فيكى وخال ؟ كام ابن نيل ارتوى ؟ كام ليل طلع له نهار ؟ عطر نسيم الهوا كام غزو مر وغار ؟ كام طاغى نخ وهوى ؟ كام شاب هب وثار ؟ ع النصب والفهلوه ؟ ضمينا يا امى ضمى اتباع محمد وعيسى لمينا م الفرقه لمى مسجدنا جنب الكنيسه الكل راضع ف صدرك لو حتى تابع لموسى الكل همه فى همى الكل عاشق ترابك ضمينى يا أمى ضمى الكل رافض خرابك الكل رافض خرابك _________________ محمد فتحى السيد
[/size] | |
|
| |
الشاعر محمد فتحى السيد رئيس مجلس الإدارة
عدد المساهمات : 317 نقاط : 513 السٌّمعَة : 0 تاريخ التسجيل : 18/10/2011 العمر : 59 الموقع : مصر
| موضوع: رد: فى حب الأم والوطن . ديوان جماعى لمجموعة شعراء الإثنين 1 أبريل 2013 - 12:36 | |
| [center]( 2 ) الشاعر / كمال الحمرانى _________________ وسامحيني علي الغيبه يانبض القلب يا حبيبــــه ولادك كلهم طيبــــــــــه وفراقك علي عينـــــــي وسامحينــــــــــــــــــي ........................... وسامحيني علي العشره دهب خالص ومش قشـره وباصم ليكي ب العشـــره وبعدك نار بنكوينـــــــــــي وسامحينـــــــــــــــــــــى ............................ يانهري ومنه با اتوضـــــــي يا ماسي ودهبي والفضـه دا لو بس الزمان يرضــــي اجي يمك تضمينـــــــــي ............................. مساء الخير والطيبــــــه يا عنبه وضل تكعيبــــــه انا عاشق تراب ارضــــك ترابها هو تكوينــــــــــي بعادك نار بتكوينــــــــي وسامحينـــــــــــــــــي ************************ ( 3) الشاعرة / جيهان محمد فتحي ______________ وسامحيني .. يا أجمل أم منسية .. زرعتي الحب حنية .. شربتِ المر بولادك .. كؤوس بالدمع مكسية ....................... مساء الفل يا بلادي .. مساء من عمر أجدادي .. مساء مروي إرادة حديد .. مساء حالك على البادي ********************* ( 4 ) الشاعر / ناصر على توفيق ________________ على مساء الحب يا امى ومهما قسينا بتضمى حنانك لينا بحر امان فى حفظ المولى يا امى ********************** ( 5 ) الشاعر / كمال الحمرانى بحبك وكاتب علي القلب عاشـق وسهمك في قلبي متبت وراشق وسوقي لحضنك بيعصرني عصــر بحبك وعاشقك بعمري يا مصـــر .................................. بحبك وها افضل احبك تملـــــي وزارع في ارضك ورودي وفلـــي وشايفك اميره في نظري كبيره وانا قلبي قصـــــــــــــــــــــــــر بحبك يا مصـــــــــــــــــــــــــــر .................................... بحبك وعنك بعمري ها ادافــع وقلبي بيعشق لدانة المدافع بطوبتي ها افرق للمة كلابك أضحي بعمري ويفضل شبابك وعارف عدوك وعرف صحابـــك ولاهاأرضي تاني اشوفك في كســـــــــــــــــــــــــــــــــــــر ياست الحبايب انا قلبي دايب في حبك يا مصـــــــــــــــــــر ******************** ( 6 ) الشاعر / هشام عوض _____________________
إلي مصر ----------- هديتك مني كراســـــــــي وكل مافيه بإحساســــــي منا عاشقك ومن ساســي ياأغلى عليه من ناســـــي ------------------------------ بروحي وأهلي أفديــــــكي أصد عداكي واحميـــــــكي وكل ماعندي أديــــــــــكي على وعدي ومش ناســي ------------------------------ تاريخي يقول ومين قــــدي حضارة الكون بــــدت عندي وكان فرعون كمان جـــــدي فـ كل مكان درر ماســــــي ------------------------------ يشرفني أقول مصــــــــري وراسي لفوق مابين عصري ولوبيت خوص يكون قصــري مكانك عندي فوق راســـي ____________________ الشاعر هشام عوض *********************** | |
|
| |
الشاعر محمد فتحى السيد رئيس مجلس الإدارة
عدد المساهمات : 317 نقاط : 513 السٌّمعَة : 0 تاريخ التسجيل : 18/10/2011 العمر : 59 الموقع : مصر
| موضوع: رد: فى حب الأم والوطن . ديوان جماعى لمجموعة شعراء الإثنين 1 أبريل 2013 - 13:02 | |
| ( 7 ) الشاعر / على جامع ________________ الورده دبلت ف ايدى لمّا استحيت اديهالك ياللى شهيدك شهيدى تعيشى وأموت بدالك ***************** ( 8 ) الشاعرة / فداء نعيم زيدان ____________________ لا شميت هواكي ولا شربت من نيلك ولا زرت أهرامك وبغني مواويلك بغني لسمارك ولعيونك الكحلى يا ام العيون سودة في جمالها ولا احلى يا ام الرموش ساحرة وسيوفها فتانة والضحكة م الجنة شفايفها رمانة ده احنا انحرمنا النوم وانتي عيانة لما تقولي الآه بنقولها آه يانا
قومي يا ست الكل .. داري الجراح فيكي واتزيني يلا اشتقنا لمعاليكي وانا بدعي رب الكون م الفتنة يحميكي وتبقي ياغالية أم وحاضنة لأحبابك بحلم أشوفك يوم اخطي انا عتابك وانا اصلي من حيفا وعاشقة انا ترابك وانا جيت يا ام الدنيا بعيدك أهنيكي أهديكي حبي وانتمائي وبايدي احنيكي قومي يا غالية اشتقنا والله للفرح ف عنيكي &&&&&& الفلسطينية : فداء نعيم زيدان *************************** ( 9 ) الشاعرة / جيهان محمد فتحى _______________________ س، الساعة 07:39 مساءً · أعجبني · 2 جيهان فتحي صــــباح الخــــــــير ::: $*~*~*~*~*~*$
صباح الخير على بلدي .. صباحك نيل بلون وردي .. صباحك شوق لحنية .. ورحمة ف قلب بنية .. مبتخونشي دموع أرضي .. وشوق خدي .. ~*~*~*~*~*~*~*~
صباح حُبك يزقزقني .. وخير أرضك يدوقني .. وأنا وانتي .. هنتصالح .. واعاتب نجمك الجارح .. وغير حضنك ماهيسعني .. ومين أدي .. ~*~*~*~*~*~*~*~
صباحك فل ياسميني .. واراضيكي تضميني .. سنين عمري فدا عيونك .. رموش الورد هتصونك .. وفرحي وحزني وأنيني .. هوى يعدي .. ~*~*~*~*~*~*~*~
صباح سكر على شربات .. صباح نادي على الجايات .. أنا بحري عطش شوقك .. ونجماتي تغير ذوووقك .. ومين يقدر يطير فوقك .. سبع لفات .. أوااام مدي .. ________________ الشاعرة جيهان محمد فتحى ************************ ( 10 ) الشاعر /محمد سعيد __________________ ايوه يا مّـه يا حبيبتى ياللى شكلتى ملامحى من زمان لما كان العمر بذره آه يا بحر من الحنان كنت حاسس بين إيديكى إنى وانتى ظغننين كنت بشعر بالامان تحدفينى هُبّه فوق القى قلبك نصه لهفه ونصه شوق اندفن جوه في حضنك وانتى مستنيه أضحك وابتسم لجل كل طريق في عمرك يترسم كنت اشوفنى ف ننى عينك القى نفسى بقيت كبير كنتى ديما بتقوليلى انت راجل ____________________ أما أمى الحبيبه مصر ......................... بعشق ترابها و أرضها وبحب ناسها الطيبين والقانى عيل لسه نونو ف حجرها والقانى فارس لو لمحت المعتدين وبادوب أدوب .. فى جمالها ويّا سحرها لما أصلى الصبح .. فى سيدنا الحسين وابكى عليها .. وارمى نفسى ف حضنها لو يوم جافتنى .. أو سابتنى ما بين وبين ____________________ الشاعر محمد سعيد *********************** ( 11 ) الشاعر / عبد لهادى الشعراوى __________________________ اعذرينى والله يا اما الهدية ماجبتهاش اقبلى منى اعتزارى الفرح لساه ماجاش عارفه عيدك امت يجى لما شجر الحب يطرح ... لما نيلك يبقى صافى والفقير يبقى له مطرح والامان يرجع لحضنك والجميع يرقص ويفرح والهدايا هتكون كتيره فى احتفال بالف مسرح اعذرينى ياحبيبة لسه دم الشهدا طابع والدموع بين الجفون راسمه اهات المواجع كله قايم نهش فيك حلمه ياخد كرسى فيك وانت يا امه ساكته صامته حتى عيدك جردوك اعذرينى يابهية حلمى ليكى اكبر هدية لما اخلى الوحده لونك والفرح يسكن عيونك تبقى عيدك العدالة نصر قايم ع الحرية ....................... الشاعر القروى الساخر عبدالهادى الشعراوى ************************* | |
|
| |
الشاعر محمد فتحى السيد رئيس مجلس الإدارة
عدد المساهمات : 317 نقاط : 513 السٌّمعَة : 0 تاريخ التسجيل : 18/10/2011 العمر : 59 الموقع : مصر
| موضوع: رد: فى حب الأم والوطن . ديوان جماعى لمجموعة شعراء الإثنين 1 أبريل 2013 - 13:44 | |
| ( 12 ) الشاعر / خالد صديق ابوغريب ( قنا ) مصرى يقيم بالكويت ___________________ صباحك خير يامصر ياورده من الورد الحر صباحك مسك وعنبروفل علي الجمبين بينور صباح أمال في القلب معزوفه مواويل صباحك نهر من الجمال صباحك يشفي من العلل
هواكي يرد الروح في حبك أنا مطروح عاشق أنا وكلي جروح يا مصر يا كنانة أرض الفيروز والأمان فيكي الستر واﻷسﻻم والعيشه فيكي سﻻمه
حره يامصر وعﻻمة مهما كانت المﻻمة وﻻد نيلك شادين الغمامة تمطر عليكي فن وحﻻوه مهما أغنيلك مش هوفيكى عايش من خيرك ومتهني أنا منك وفيكي وصوتي عالي عشانك انا مصري عاشق وعصري والنصر في نيلك بيسري وعلي أرضك بصلي
ياقبلة النصر في نور الفجر سﻻمي ليكي ولكل مصري حر وعيوني معصورة عصر خايف علي بﻻد النصر من الفرقه وعيون الغدر
بﻻدي مش محتاجه وصف التاريخ شاهد لكل حر
سﻻمي لمصر وأهلها والناس إل بتحبها والعيون إل سهرانه لها وللناس الطيبه كلها
سﻻمي بلغوا سﻻمي ياأحبابي لمصر وأهلها _______________________ الشاعر / خالد صديق ابوغريب ************************ ( 13 ) الشاعر / حماده النخيلى وكم عاشق بعشقه مات وساب الدنيا ولى وفات وراح داخل كذا الجنات دخلها هناك بعد ممات لكنى دخلتها ف دنيا وشفت الجنة فى الدنيا ولوعايز تشفها معاى تلاقى الجنه فى الدنيا تحت أقدام الامهات ******************** ( 14 ) الشاعر / حسن توفيق __________________ مساء النور يابلادى ياأهلى وعزوتى وناسى مساء الفل ياأصيلة ياأم الكل ياعظيمة اسمك يا أمى فى القرآن خلد ذكرك الرحمن مساء الأمل والسعادة على أمنا الحبيبة ************************* | |
|
| |
الشاعر محمد فتحى السيد رئيس مجلس الإدارة
عدد المساهمات : 317 نقاط : 513 السٌّمعَة : 0 تاريخ التسجيل : 18/10/2011 العمر : 59 الموقع : مصر
| موضوع: رد: فى حب الأم والوطن . ديوان جماعى لمجموعة شعراء الإثنين 1 أبريل 2013 - 14:06 | |
| ( 13 ) الشاعر / حمدى الشريف ____________________ Alfar وDriss Lahmer و 81 آخرين معجبون بذلك. حمدى الشريف !!!ـــــ{ وحشاني يامه }ــــ!!! ********************* إهداء / في عيد الام ــــ إلي امي رحمها الله ,,, واسكنها فسيح جناته .. وإلي امي الخالدة مصر .. استحملي واصبري ياطاهرة .. لسانا اصحاب القرار ...!! ...................................... !!ـــ وحشاني يامه ـــ!! &&&&&&&&&&&&&&&& انا لسه عايش ياماي .. رغم المحن رغم الصعاب .. رغم العمــــر ال فــــــر ,,, وعذاب الفراااااااااااق ... لسه فينا رمـــــــق ... والحلم عصفور عــ الشجر .. قيد العمل والانتظار .. من يوم ما رحتي ,,, والحال هو الحال ... خلص الصبر وطول البال .. والعمر يولد الحلو والمرار ... القرار عــ قايمة الانتـــظار .. ومفيش خــــــــيار ... يانهد الحيطه والجدار .. يانفجر الامل عل 100 شرار .. والدهر تعب من الانشطار .. كنتي انتي حاميه الـــــدار ,, والمر معاكي يحـــــلا .. باليقين والايمــــــان .. الوحدة بعدك غربه وفرار .. كنتي الضــــــــلوع ... كنتي الســـــــــــند ... ومعاكي الحلم اتولد .. والدهر اتنصب واتسند .. بعدك ياغـــــــــاليه ... العمر اتخطف واتسرق .. والخطاوي ما بين .. حيطه وخيه وهاويه .. والحلم عالق بين فكين آلم .. نعدي مغمارة وقلق .. نتراجع عار عــ الرجال ,, وعـــ البلد والولد .. يبقي لابد نشد الرحال .. نخوض الغمـــــــار ...! لساني حي يامه .. والقلب نابض فــ الوريد .. دقه رايحه ودقه جايه ,,, والنفس طاله عــ الطريق .. ودا بس الشاهد والدليل .. والانفاس بتعد وتمد .. علي مهل وشط وبــــر .. نفس حلو ونفس مـــــر ,, وآهي ماشيه وبتمـــر ... والاقدام مرة تمد وتبعد ,,, ومرة تقرب وتتشد وتنجر ... كر وفر ...انتـــــــــــظار ..! في الدهر كام سد وسور ,, والعقل شايل مليووون مشوار .. وقدامنا خنجر وسيف بحد حار .. وال سن مغروس فينا وغار .. وورانا بحــــــــر و تـــــيار ... لازم نكمل وندوس عـــ المرار .. لسه المشوار ما بين .. جســــر وكمـــين وصــــخور ,,, والتعاتير متبته فـــ الجذور .. في كل ناحيه واتجاه وممر .. والزرع مال والأرض بــــور ... تاه الدليل والبرهان والشعار .. بس العزم دايس عــ الانفجار ... والروح رافضـــه الفــــــرار .. والحــــــلم اصــــــــــــرار ... لسانا اصحاب القــــــــرار ... وقادرين عــ الفهم والاختيار .. منتظرين رحمه الستار .. بس انتي وحشاني يام .. الزرع و الشجر والخضار ... ياعمر راح وعشت انا للمرار .. من غير دليل ولا شعار ... الخريف باعــــت انذار ... والربيع خايف مــ الاندحار .. ضمــيني ياماي و وخدينـي .. في حضــــــنك وســيبيني .. انام لحد ما يطلع النــــــهار ...!!! ـــــــــــــــــــــــــــــــــــــــــــــــــــــــ سامحيني يامه .. جيت احتفل بيكي فــ عيدك .. لقيت كلامي ونفسي رايح للهموم يعيد و يذيـدك ...!!! .................................................... حمدى الشريف ـــــ شاعر بلا حدود ********************************** ( 14 ) الشاعر / محمود الشريف _____________________ انا اتربيت على ارضك وياما شربت من نيلك
لا عمري تعبت من حبك ودايما قلبي يدعيلك
وكنت كتير بانام مكسور
وياما حلمت اشوف النور
واقوم واصحى واهد السور يعدي القلب ويجيلك ******
وكان العقل بيقول لى مفيش فايده
عقول الناس لابتصدق ولا رايده
تقول لأه وجوه القلب نار قايده وقلبي يقول مسير الدنيا تديلك **********
واقول الحق مليون لأ يا اهانة
واصون العرض تحيا الأرض جوانا
واجيب النصر واعشق مصر وأعيشها دنيا ..وديانة
واشوف مسلم مع مسيحي يغنيلك أنا اتربيت على أرضك.. وياما شربت من نيلك ****
يناير كان بداية حلم واتحقق
طلعنا كتير على التحرير ننور شمسنا وتشرق
وكنا هناك جسد واحد وصوت واحد ما يتفرق
فى كل مكان جرس وادان يناديلك **********
بإيد واحدة وصوت واحد رسمنا الحلم والصورة
واحيينا قلوب ماتت وإيد م الظلم مكسورة
وضحينا جريح وشهيد وفضلت مصر منصورة
ويبقى النصر طول العمر حروف كلمة ف مواويلك
دانا اتربيت علي أرضك وياما شربت من نيلك
........محمود الشريف.... ***********************
| |
|
| |
الشاعر محمد فتحى السيد رئيس مجلس الإدارة
عدد المساهمات : 317 نقاط : 513 السٌّمعَة : 0 تاريخ التسجيل : 18/10/2011 العمر : 59 الموقع : مصر
| موضوع: رد: فى حب الأم والوطن . ديوان جماعى لمجموعة شعراء الإثنين 1 أبريل 2013 - 14:25 | |
| ( 15 ) الشاعر / عبده علام ___________________ قصيده بعنوان ( اجمل كلمه ) ............................... طاب اقولها ايه وايه يكفي جمايلها وصبرها علي عمايلي واي حاجه بحلم بيها بتعملها وناسيها وشايله جمايلي علي راسها واجمل كلمه علي لسانها يا ولدي ويابني رغم اني تاعبها ومن لعبي في التراب وجري مع الاصحاب وسهري ليلاتي علي الابواب ومن مشاكلي مغلبها واقولها ايه غير يا امه واجمل كلمه اقولها ليها يامه وربي يرحمك دنيا واخره يامه واقولها ايه ..................... عبده علام ************************** ( 16 ) الشاعرة / مرفت عطية __________________ مصر بنوته ....................... مصر بنوته بحبها أصحى من النوم على وشها على آخر كلمه قالتها على صوت بإسمى فى حسها لما توحشنى أحضن حروف إسمها على أرض الشارع أكتب لها على الحيط . على سطح البيت قلب وسهم أرسم لها تواعدنى ألبس لها و فى المرايا أتزين لها ألمح ديل فستانها أعْدل ياقه قميصى أمشى بإيدى على شعرى أتمنى أكون أدها تكلمنى أسمع لها تغيب أشتاق لها بيوحشنى ضلها لما تتعب. فى الشوارع أسأل لها عن إيد ولاد تمسح دمعها لما تحزن أبكى وأشمشم خدها وأقول لها إلا . . إنتِى وأصرخ وأنادى فجرها أحط راسى على صدرها وأنام وأمدد فى حجرها مصر بنوته بحبها لما بكون لوحدى بحتاج لها ألعب ويا قمرها وأعاكس .. شمسها ......................... مرفت عطيه ************************** ( 17 ) الشاعرة / جيهان محمد فتحى _______________________ هتسبوها ؟؟؟ .................. وتبعوها للخيانة .. هي دي أم الحضارة .. ياللي بتقولوا الكفاح .. مصر مش سكة ندامة .. مصر يوسف يوم ما سابها .. لما عاشت العجاف .. مصر مش بير للخيانة .. مش يهوذا أو سالومي .. مصر قبضة الهلالي .. مصر سكة السلامة .. لو سمحتم ما تلوموها .. انتوا عيبها ومش دودها .. ف الشدايد بتسبوها .. لو سمحتم .. مصر تترجى ترابكم .. ترحموها وتسبوها .. مصر اتوضت دموعها .. راكعة طهر من الخيانة .. ارحلوا بزيف الكلام .. ارحلوا بخيبة الملام .. عششت سلبية فيكم .. طرحت الجبن وسلام .. .................................. جيهان محمد فتحى ********************* | |
|
| |
الشاعر محمد فتحى السيد رئيس مجلس الإدارة
عدد المساهمات : 317 نقاط : 513 السٌّمعَة : 0 تاريخ التسجيل : 18/10/2011 العمر : 59 الموقع : مصر
| موضوع: رد: فى حب الأم والوطن . ديوان جماعى لمجموعة شعراء الإثنين 1 أبريل 2013 - 14:37 | |
| ( 18 ) الشاعر / حلمى قاسم ____________________ لامونى الناس على حبك وسألـــونى بحبك ليه؟! وأيه فيكى جميل يتحب وأيه ينفع بسر القلب وقالــــــــوا كتير كلام عنك يبكى العين يزيد الكرب ونسيوا انك ف وجدانـــى وساكنه روحى وكيانى وحبى ليكــــــى ربانــى وعايش بيــــــــه .............................. انا عاشقك بحبك موت واعلــــــــــى الصوت ولـــــــو حتى زمانى يفوت ويسرقنى وانا فيكى هاكون مبسوط واحبك موت ولو صوتى هايبقى سكوت وييجى الموت وانا ف تابوت برضه الاقينى عاشقك موت ............................... حلمى قاسم *********************** ( 19 ) الشاعر / محمود وحيد ________________________ مسائيات .................... مساء الخير يا بلادى مساكى والمسا حضنى وقلبى عليكى واخدنى بانام واصحى على دموعى وخوفى عليكى دوبنى مساء الخير يا بلادى مساكى وفين لياليكى وبدر الليل يناجيكى يوشوش للنجوم باسمك وويا النيل يغنيكى مساء الخير يا بلادى مسا على عدلك النايم فى حضن جنيهك العايم فلوسك يا بلد راحت ولاجل رجوعها بنساوم مساء الخير يا بلادى مسا لحماس لكن خايب وشاطر سهمه ما صايب برئ يا دينا من كداب بيتدارى ورا مصايـــب مساء الخير يا بلادى مساكى وبكرة راجعلك انادى عليكى واسمعلك واغازل بالقلم حالك وحبى ليكى يشفعلك مساء الخير يا بلادى مساء الخير يا بلادى مساكى والمسا كاسى مايكدب فيكى إحساسى بحبك يا مصر روحى وفضلك تاج على راسى مساء الخير يا بلادى مساكى ولومى من حبى وليه عن بعض هنخبى ما انا عارفك وعارفانى وقلبك فى الأساس قلبى مساء الخير يا بلادى مسا متربى على جودك وروح سهرانه بحدودك شهيدك يا بلد حزنان وبيطالبك بمعهـــودك مساء الخير يا بلادى مساكى والمسا كاسى مايكدب فيكى إحساسى بحبك يا مصر روحى وفضلك تاج على راسى مساء الخير يا بلادى مساكى ولومى من حبى وليه عن بعض هنخبى ما انا عارفك وعارفانى وقلبك فى الأساس قلبى مساء الخير يا بلادى مسا متربى على جودك وروح سهرانه بحدودك شهيدك يا بلد حزنان وبيطالبك بمعهـــودك مساء الخير يا بلادى مساكى والمسا حالــــى وهمك يا أمه موالـــــــــى يأنام وأصحى على وجعك وطول الوقت على بالـــى مساء الخير يا بلادى مسا أرضك بتتبـــــــــور وزرعك الأخضر بيدمـــــر وقطنك يا بلد غـــــايــب وباقى القطن متــــــزور مساء الخير يا بلادى مسا قمحك وشاحتينـه وفلاحك كره طينــــــــه هجر أرضه وبنى عمـارة عشان تكتر ملايينــــــه مساء الخير يا بلادى مسا إبنك ومتغــــــــرب ومن جورك بيتهــــــرب بيعرق فى بلاد أغــراب وحلمه غريب بيتسـرب مساء الخير يا بلادى مساكى والمسا باقـى هاكمل بكرة اوراقــــى ولو كتب الإله موتــــى هاموت وبحضنى أشواقى مساء الخير يا بلادى مساء الخير يا بلادى مساكى والمسا واجب وحبك فرض على واجب صبرنا وصبرنا علقم وبردو الصبر مش عاجب مساء الخير يا بلادى مسا ء الحيرة والريبة وشرطة ما عادلهاش هيبة بترمى سلاحها هربانة ومش خجلانة م العيبة مساء الخير يا بلادى مساء قاضى ما هوش قاضى بيصدر حكمه ع الفاضى ميزانه كفته مايلة وشعبى لحكمه مش راضى مساء الخير يا بلادى مسا ريس وما بيده وحتى حاشيته ضده كلامه عكس أفعاله وعدى فى السكوت حده مساء الخير يا بلادى مسا جيشك مفيش غيره وحلم الغرب تدميره عيونهم راصده وحدتنا وحاسدانا على خيره مساء الخير يا بلادى مسا وجعك على عينى وحالك والله كاوينـــــى يانادى المولى فى سجودى ينجيكى ما يضنينى مساء الخير يا بلادى مساء الخير يا بلادى مساكى والمسا لمة ينجيكى الإله يا امــــــــــــه يغيتك ربى من همك ويكشف عنا دى الغمــــــــة مساء الخير يا بلادى مساكى والمسا صابر ولسة الحلو بيكابــــــــــــــر بندن والأدان يرجع وأحلامنا بتتصـــــــــــــــــادر مساء الخير يا بلادى مسا هد البعيد حيلى وحولى الصباح ليلــــــــــــى لا انا العايش ولا الميت ولا الفاهم مواويلـــــــــــــى مساء الخير يا بلادى مساكى والمسا واصل وحالف يا امه نتواصــــــــــل مادامت روحى ساكنانى ما يقصلنا فى يوم فاصــــــل ............................... محمود وحيد
| |
|
| |
الشاعر محمد فتحى السيد رئيس مجلس الإدارة
عدد المساهمات : 317 نقاط : 513 السٌّمعَة : 0 تاريخ التسجيل : 18/10/2011 العمر : 59 الموقع : مصر
| موضوع: رد: فى حب الأم والوطن . ديوان جماعى لمجموعة شعراء الإثنين 1 أبريل 2013 - 15:00 | |
| ( 20 ) الشاعرة / عزة عيسى __________________ صباحك خيـــــــــــــر يا بلادي .................................... صباحك خير يا بــلادى .. صباح أبيض صباح نـادى صباحك حب مش عادى .. يا أرضي وأرض أجدادى صباحك نــور بيهديــنا ......... ونـيل مــن شــهده يروينــا وســنابل قمح ذهبية ....... ورايــة مضــللة علينا صباحك أم بتـــنادى ..... تعـــالوا لحضــني يـــــــا ولادى بدعي لكم ربي ليل ونهار ....يكفيكم شــر حســادي صباحك تلمــيذ في مدرســته ... مــعاه قلــمه وكراسـته وبادئ يومه بسم الله ...ومركز عقله في دراسته صباحك عامل ماهوش خامل ... وشايف شغله مش هامل مراعي ربه طول عمره ..مأدى واجبه بالــكامـــل صباحك فــلاح صــاين أرضه ..عشان أرضه كــما عــرضه ساقيها بعرقه وبدمه .... وراضـــي بعيشته مــين أده صباحك هــرم وتــاريخ وحــضارة ... وإرادة شــعب جــبارة عُلما وأئمة في كل مجال .. نبراس للدنيا ومنــارة صباحك جـــــيش مسّــــيدنا ... .. علــــيه الدنيا تحسدنـا أسود لابسين جنــود.. حافظين كرامتـنا وحـدودنا صباحي كــل يــــوم إنتــي ...يـا أمــي وآختـي وصديقــتي ومهما قسيتي أو دوستي.. عليّ هتفضــلي حبيبتي صبــاحك خـير يا بــلادى ............................. عزة عيسى **************************** ( 21 ) الشاعر / عصام سيد محمود السنان ( المنيا ) __________________ ( بحبـــــــك يا مــــــــا ) ................................ • اول حياتــــــــى الام وأهات كانت ليكـى • والموت كان محتمل والمولى راعيكـــــــــى • رضعت منك حنـــان طبع الحنان فيكـــى • كل العيون لو نامـت القاكى وحديكــــــى • سهرانة طول الليــل والنوم مجافيكـــــى • لو قلت اه يا مـــــــا الاه بتكويكــــــــــى • ربى العباد عــــــلام وصانى اكون ليكى • خادم بطول العمــــر ولا عمرى اوفيكى • وجنة الرحمـــــــــن جزاة اللى يوفيكى ........................... عصام السنان ************************** ( 22 ) الشاعر / بكرى جابر _________________________ ياأجمل كلمه في كتابي يانور نور على بابي بحبك وانتي في ترابك ياأمي ياكل أحبابي يااااااااة ياأمممممممممممممي ************************
| |
|
| |
الشاعر محمد فتحى السيد رئيس مجلس الإدارة
عدد المساهمات : 317 نقاط : 513 السٌّمعَة : 0 تاريخ التسجيل : 18/10/2011 العمر : 59 الموقع : مصر
| موضوع: رد: فى حب الأم والوطن . ديوان جماعى لمجموعة شعراء الإثنين 1 أبريل 2013 - 15:24 | |
| ( 23 ) الشاعرة / نهى رجب محمد ( ريشة المطر ) ______________________________ .......(أمي مصريه)........ يديكي يمه طولت العمر إذاي إيدك ماسكة الجمر كان الحمل تقيل والعوزه أمر إيه نابك غير كسر الضهر عمر م كتفك ميل مره واشتكى شر يوم حلوه الدنيا ف عنيكي الخضر أحيانا بتدوقي المر لكن دايماحافظه السر ............................ كنا ست عيال باين حسدونا كنا كتار وقدرتي علينا عايزين ناكل نشرب نطلب دايما وبتدينا لمابننعس تحت جناحك بتدفينا ف الصبحيه مصروف ربع جنيه ف ادينا عاوزين نشتري ذي اصحابنا أغلى حاجات والغالي يرخص لعنينا ................................ وأبويا راجل قد الحال أستاذعربي عال العال نفسه الرزق رزق حلال عمرو م ادى درس خصوصي لاي عيال يكره دايما قيل وقال ماشي ف حاله ولا الجمال ............................... عنده أخر الشهر دا كارثه ذي الفيضان ولا النكسه يقعد ع الكنبه ف الشمسه ويفكر ف الدنيا الشرسه ليه حطاه ف دماغها مشاكسه إمتى الحظ يفك اكياسه يديلو على قد احساسه .............................. جتله إعاره وسافر بره (كنا ف جره طلعنا لبره) وشرينا التفاح وابوصره ولبسنا الشمواه أبو فروه بابا ياباباهترجع بكره؟ كنا نشوفه ف السنه مره وكإنناف الجنه معاه تحت السدره ............................... نتلم ف احضانه ساعتها يدي لملنا غوشه ف إدها مشاء الله تزين رقبتها قد إيه كانت فرحتها شدت على راسها طرحتها رفعت إيدها دعت دعوتها يارب بارك لمتنا ......................... فاكرلما كنت صغيير باعت ياما (الدبله )كتيير علشان تدفع هم كبير ولا عمرها أبدا بتغييير من جارتها أم سمير لما تنشر روبها حرير أو يترقى جوزها مدير ........................... أمي بتكسر أي ديون تشتري بوتاجاز ست عيون يعني قال(الدبله)هتقضي سد ديون كله يهون كله يهون وبسر الكاف ويا النون ربك عاطي رب حنون ............................ اتعلمت الصبر معاكي ولقيته سندك قواكي القرش الأبيض خلاكي ف اليوم الأسود يحميكي والعيش دايما كان عيش بيتي يمكن ينفع لما تضيقي م تلاقي حدش يديكي ....................... انت حقيقي أم بجد تدي السبت وتلقى الحد تمسحي دمع وتلمسي خد عطفك لينا فاق الحد لما تشدي تكوني السد واقفه كلامك جد الجد صعديه من أب لجد ............................. إحنا كبرنا بقلنا عيال طلعت بنا حيطان وجبال سحبتنا للغربه حبال م عرفنا نقرب رجعتنابأيها حال (أيوه هنرجع) جمله نقولها رد سؤال ف التلفون الكذب حلال ولكل عقده حلال ...................... أيوه يا ماما إنتى معانا منين من روح ذي العطر يرد الروح لما بنزعل تبقى الصدر للي يبوح إيدك بلسم أي جروح قولي يا غاليه يا روح الروح كيف عط ك عن بعد يفوح؟ ......................... آه لو نرحع ذي زمان القمر الساهر قلقان والفجر مشقشق نعسان نرغي ونرغي كان ياما كان الدنيا ملهاشي أمان مرة دقنا الشهد الصافى وساعة غرقنا ف الأحزان واتنصحنا واحلويناذي الملبن ف الدكان ........................ ف الأوضه البحﻻي هنام مش ممكن أبدا هنام وهنحكي كل الأحلام من طقطق ولحد سلام وهنتحسر ع الأيام غني يمه نانم يا حمام (نام نام ياحمام واجبلك جوزين حمام). ......................... نهى رجب محمد ( ريشة المطر ) ****************************** ( 24 ) الشاعر / حمدى الشريف ____________________ !!!ـــ{ حته مني }ــــ!!! ***************** صباح البسمه والضحكة .. ياكل املي ورسمالي .. وفي عيوني فرحه .. مرســـــــومالي ... وحلــــم وسكه .. راسمـــــــاني ... صباح الورد والياسمين .. صباح نادي بلون النيل.. صباح الورد الاحمر ,,, وعشقكِ في قلبي .. عــــــود ندي أخـــــضر ...!! مساء الفـــــــل ... ياست الكـــــــل ... ياعروســـــــــــــه ... ملفوفه في الننــــي.. ياحـــته متشكله منـي ,,, وفيا قاعدة ومتـــبـــتــــه ... مساء الطيبه والعــــنبر .. وحبك في قلبي بيتمختر ..!!! سلام تعظـــــــيم ... سلام الــــــــروح.... ياعبير فوااااااااااااااح ... بعطر اللــــــــيل ,,, وجوه الـــــــــروح .. بيـجي ويــــــــروح ,,, ويهل وسط العروق والضلوع .. بلون ابيـــض وزهـــــر ربيـــع ... سلااااااااام أخلاااااااااااص ... ياأعـــــــز وأغلــــــي الــــــناس....!!!! ـــــــــــــــــــــــــــــــــــــــــــــــــــــــــــــ حمدى الشريف ــــ شاعر بلا حدود
| |
|
| |
الشاعر محمد فتحى السيد رئيس مجلس الإدارة
عدد المساهمات : 317 نقاط : 513 السٌّمعَة : 0 تاريخ التسجيل : 18/10/2011 العمر : 59 الموقع : مصر
| موضوع: رد: فى حب الأم والوطن . ديوان جماعى لمجموعة شعراء الإثنين 1 أبريل 2013 - 15:39 | |
| ( 25 ) الشاعر/ حلمى قاسم ______________________ يا مصر بهواكـــــى وغيرك مليشِ حبيب طالب انا رضاكى عشقك قدر ونصيب عايش على احبك رغم الجراح والألم قلبــــــى اسير قلبك لو حتى فيكى اتظلم بلدى ومليش غيرك ياام التاريخ والهرم بروحى افديكـــى وارسم بدمـــــى العلم ************************* ( 26 ) الشاعر/ مصطفى الشاذلى ____________________
أمى طفيت شموع الفرحه من حوآليـــــآ ريحة الدموع فى الطرحه ذى ماهيآ ياقلب كان يوعد ذمان ويوفـــــــــى ياحضن كان يبدر أمان ويدفـــــــــى دالحزن فايض مننا ومكفــــــــــــى راح ألأمان والضحكه والحنيــــــــــه ************************ ( 27 ) الشاعر / محمود وحيد _________________________ سلامتك يا امة م الحيرة ومن كل اللى بيخونك يا ام الكل يا أميـــــــــرة وما اسوى انا بدونـك حبيبتى يا اغلى ما ليا يا دم بيجرى فى عروقى وحبك روح على غيـــة ونيلك يا امة معشوقــى انا العاشق جمال روحك يا روح روحى ومكنونى أداوى بروحى مجروجـك وما تميلى ولا تهونـــى انا منك وجواكـــــــــى باغنيكى مسا وصباح وقلبى للى يهواكـــى كبير يا امة وصدرى براح انا المتربى على خيرك ومن غيرك ماليش احباب ومهما بعدت انا طيـــرك راجع تانى ابوس الاعتاب بحبك قد ما تقولــــــــى وقد ما العمر طــول وصابر ع اللى مكتوبلى وعنك ياامة ما اتحول أجوع فيكى وايه يعنى وجودك يا امة يشبعنى وخاينك لو يقطعنـــــــى ما عن حبك يرجعنــى انا العاشق أراضيكــــــى ومتوضى بطهـــر الارض وعايش لاجل ما ارضيكى وافديكى واصون العرض انا العاشق أراضيكــــــى ومتوضى بطهـــر الارض وعايش لاجل ما ارضيكى وافديكى واصون العرض .................................... محمود وحيد
| |
|
| |
الشاعر محمد فتحى السيد رئيس مجلس الإدارة
عدد المساهمات : 317 نقاط : 513 السٌّمعَة : 0 تاريخ التسجيل : 18/10/2011 العمر : 59 الموقع : مصر
| موضوع: رد: فى حب الأم والوطن . ديوان جماعى لمجموعة شعراء الإثنين 1 أبريل 2013 - 15:50 | |
| ( 28 ) الشاعرة / عزة عيسى ___________________ بحــــــــــبّك يـــا أمـــــــــــي بحبك بحبك ... بحبك يا أمــــــــي وحبك يا غالية .. بيجري في دمي من صغر سني.. شايلة في همي وراضية وسعيدة .. بتعبك يا أمـي بحبك بحبك ... بحبك يــا أمــــي
بحبك وعاشقة ....يا أمي حنانـك ولا حد يقــدر .... يمــلا مــكانــك في قلبي بقولها....وأقــولها قدامك ودموعي ياغالية.... تشــهد علـيّ بحبك بحبك .... بحبك يــا أمـــي
حنانك وحـبك ..يــا أمــي ده آيــة يازارعة فى حضنك ..أمانى وهنايا يــا غالية يا أمـي .. يا كل منايـــا ح أغني لقلبك .. وأقولها ف غنايا بحبك بحبك .... بحبك يا أمــــي
بحبـك بحبـك ... يــاغالــية علـيّ يا حلوة يا أمي .. يــا ضـيّ عنيــّا ولا عمري أبداً ..أنا شفت الأسية يا نبـع المحبــة... ونهـــر حنيـّــة ده أنا عمري كله ....لو قدمتهولك ولا يسوي لحظة ..من خوفك عليا ولو تقبليــه .... يا حبيبتي هديـة أشوفه يا أمي .. عليكي شويــة بحبك بحبك .... بحبك يـــا أمــي
ياربي يا عالم ..يا سامع دعايــا حقق لي فيـهـا ..يـارب منـايـــا ولا تحوجها أبداً لحد في الدنيــا ويارب أقدر .. لـما حبيبتي تكــبر أصونها بقلبي..وأشيلها في عنيّا وأفضل أغني ...وتسمع غنايــا بحبك بحبك .. بحبك يــا أمــي .............................. عزة عيسى ***********************
| |
|
| |
| فى حب الأم والوطن . ديوان جماعى لمجموعة شعراء | |
|