مربعات فن الواو . للشاعر محمد فتحى السيد

[center]
مجموعة متنوعة من مربعات فن الواو
للشاعر . محمد فتحى السيد
رئيس رابطة شعراء العامية المصرية
_____________________________
يا بو العيون الكحيله
والوجه بدر ومليح .. ( جميل )
فكرت اتقل بحيله
لقيتنى اتعب مليح .. ( لا استطيع )

اقول لعيونى كفى
لو تنبهر من جمالك
مقدرش اغض طرفى
وانت لعيونى مالك

نفسى اطلب وصلك .. ( قربك )
وانت لوصلى تريد
لو اعرف كيف اواصلك ؟ ( اوصل لك )
قلبى يفوت ف الحديد

******************
قلبى طارح غناوى
من بعد رمشك م صاده
بدرت فيه التـقـاوى
وانت اللى تجنى حصاده

******************
الله ع النقد لما
يعمل فى شعرك عمايل
النقد لوكان ف لمه
د يبقى اغلى الجمايل

******************
ف اليد دى لاب توب
والتانيه فيها الموبايل
عن المعاكسه مايتوب
د أصله من فرع مايل

******************
فى البير بنزّل قادوسى
الحبل راح مقطوع
يادنيا ع الجرح دوسى
ما انا م الفرح ممنوع

******************
هاكتب عشان الفكره ماتعديش
هاكتب عشان اوصفلك الاحساس
هاكتب وانت حروفى ماتعديش
حبك ف قلبى كأنه ضربة فاس

******************
عصافير البطن بتصوصو فوق الرصيف
والجوع ياصحبى فى الحشا مسامير
يمكن فى لحظه تسكت لو رغيف
م الامريكان قمحه داقق هنا مسامير

مسامير زى اللى سابها جحا فى الدار
وف كل ساعه يجى عليها يطل
ويعدهم بالراحه مسمار ورا مسمار
ويحسس اهل الدار كأنهم فى الطل

******************

[center]

فوقنا من الاوهام
لكن عملنا ايه ؟
الثورة ضاعت قوام
وركبها ابن الايه
***************
نرجع بقالنا سنين
ولاحد فينا اتقدم
لأن ابونا حزين
لاكان نقيب ومقدم

***************
هموم زى الجبال
على كتفى شايل هرم
ولما الحظ مال
كتفى انحنى واتخرم

***************
صلاح قلوبنا ايمان
نصفا لبعض ف يوم
ونوحد الديان
تزول كل الهموم

***************
عيونك صحت الاشواق
وقلبى كان خلاص ملك
وبعد الغربه فى الاسواق
حنينى لقلبك اتملك

***************
جنون الحب فى عيونك
وسحر الشمس فى جبينك
لهيب الشوق على خدودك
ومين بس عجبينك

***************
باب الامل مفتوح
لوكان معاه اسرار
بدل البكا والنوح
لازم يكون اصرار
***************
الساعه مليانه عقارب
والعقرب لدعته بالموت
وانا قاعد وحدى فى القارب
والموجه مش لاقيه شطوط
***************
الاوله نجيب بسرعه كان ماشى
والتانية ناصر للأمه كان ناصر
والتالته السادات للعدو ماخلاشى
والرابعه حسنى مرضان وبيعافر

والخامسه الاخوان طلعوا مرسى
ماعرفش يحكمنا ودانا فى مصيبه
المركبه تايه ع الشط لم ترسى
يغلط وبيلومنا جاته 600 خيبه

***************

***************

**************
مربعين معشقين
***************
اكتبى كل حروفك
عبرى بكل الوسائل
سجلى حلمك وخوفك
واطرحى كل المسائل
واعلنى سعيك وطوفك
حتى لو بالدم سائل
__________________

روووووووووووووعة
ودي وتقديري

» مربعات فن الواو . الشاعر محمد فتحى السيد
» أهداء من الشاعر محمد سعيد للشاعر محمد فتحى السيد
» مربعات مصورة . الشاعر محمد فتحى السيد
» مربعات الأرابيسك ( فاسده ) الشاعر محمد فتحى السيد
» جننى بعدك . مربع واو للشاعر محمد فتحى السيد