من قصائد ماقبل الثورة (حاجات قديمة للبيع) عادل صابر

من قصائد ماقبل الثورة
الشاعر عادل صابر
(حاجات قديمة للبيع)
________________________

****************
الا اونا
الا دونا
الا ترى
فتح المزاد
******
حنبيع....حنبيع
دمنا للبيع
ارضنا للبيع
عرضنا للبيع
احلامنا كمان
صبحت للبيع!!
حالفين لنبيع
حالفين لنضيع
قرّب ياخريف
وابعد ياربيع
وفتحنا مزاد
برطّع يافساد
هيِّصوا ياولاد
فرَّط عوّاد
وحلف ليبيع!!
لزمانه وأرضه
خلاص حيبيع!!
النيل دا بكام؟؟
والاّ الأهرام!!
وكمان ابو الهول
ينفع خدّام!!
ماتقولوا بكام؟؟
وحدانا كلام
وجرون احلام!!
ماتقولوا بكام
حنبيع الصبح
بليل وضلام!!
ماتقولوا بكام؟؟
***
فرصة يامتاعيس
يامخاخ جواليس
دا السعر رخيص
والناس بلاليص!!
حوِّد ياخسيس
واملا التليس
راحت ايامنا
ورحنا فطيس!!
***
اشترى ياكوهين
ولاتتوصاش!!
احلامنا لغيرك
مانبيعهاش
بس عشانك
حاتاخدها بلاش
وانت ياشمعون
قرّب ليا
ياابن الملعون
دا انت هفية
علشان خاطرك
ورضا خواطرك
اقبل مننا
روحنا هدية!!
***
كرامتنا خلاص
بقيت قلقاس
والديب والعنزة
بدون حرّاس!!
ياجرسنا ياناس
ضعنا يا"عباس"
دا الفاس فى الراس
والراس فى الكاس
وضهورنا طراق
وجبينا مداس
شيطان خنّاس
عامل وسواس
وخلاص حيبيعنا
للنخّاس!!
ولاعدشى خلاص
ل..وطنا خلاص
فينك ياصلاح !!
وياأبن العاص
مش باقى خلاص
الا انتوا خلاص
ويغور الخاين والخباص
***
ياسلام..ياشالوم!!
ياهموم باالكوم
ياوطن مهزوم
رايحين فى النوم
ونقول مقسوم!!
شوفوا فلسطين
أهى شايلة الطين
من بعد ماصدقوا
ناس خاينين
كدّاب ياكوهين
ولاعندك دين
ولاصُنْت عهود
ولا زفت الطين!!
ماهو اصلك دون
صهيون ملعون
دايما بتخون
وتحب دموع
وطنى المحزون
***
يانيران فى حشاى!!
ياألم برَّاى
وأمل جوَّاى
الفجر اهو جاى!!
يضرب ع الناى
ويقول مواويل
فى زمن بكَّاى
ويلف بلاد
يزرع أعياد
ولايفضل عاد
لا ثمود ولا عاد!!
ونربى حمام
على سور بغداد
والضلمة تموت
فى بيوت بيروت
انطق ياسكوت!!
كسروا النبوت
وخلاص ايوب
مبقاش مكبوت
واهو يونس عاد
من بطن الحوت
غنِّى ياشحتوت
وارقص ع التوت
بكرة الغلبان
حيلاقى القوت
وحيفطر ابوك
كحك وملتوت!!
غنّى ياشحتوت
وافرح ياقزين!!!
حاتجينا سنين
ناكل بسكوت
غنّى ياشحتوت
ل..نطق تموت
ل..نطق تموت

» عادل صابر
» على جرح غزه . عادل صابر
» عادل صابر ( رباعية )
» الشاعر عادل صابر‏ ( على جرح غزة )
» عادل صابر . رباعية كفن العيد