السيرة الذاتية ( محمد نعمان الهوي)

الاسم / محمد محمد نعمان علي
اسم الشهرة ( محمد نعمان الهوي )
ت الميلاد / 10 مايو 1969
محافظة قنا
مركز ابوتشت
ش فلسطين
حاصل على دبلوم ثانوي تجارى عام 1990

العمل / عملت فى مجال السياحة بقسم الامداد والتموين ثم بقسم المطبخ منذ عام 1993 وحتى عام 2011
فى فندق سونستا الغردقة ثم فندق رويال بالاس الغردقة .
الهوايات / قراءة وكتابة الشعر والزجل والاغانى العاطفية والوطنية والرباعيات بدأت رحلتى مع الشعر منذ عام 1986 ونشرت لى قصائد ومقالات فى مجلات كبرى فى الثمانينات وبداية التسعينيات مثل الرشيد العراقية ومجلة الهلال
وقمت بانشاء وادارة مجموعة من الجروبات الادبية على الفيس بوك والتى مازالت موجودة حتى الأن مثل (منتدى عطر الياسمين )على هذا الرابط https://www.facebook.com/groups/qwer.qwer.2002/جروب ( شقائق النعمان ) على هذا الرابط https://www.facebook.com/groups/321867677825347/جروب ( الامل ) على هذا الرابط https://www.facebook.com/groups/193431344065066/جروب ( محبي ام كلثوم ) على هذا الر ابط https://www.facebook.com/groups/195151180539844/ وغيرها .
وعضو فى رابطة شعراء العامية المصرية) منذ العام ا2011
Very Happy

اشتركت فى العديد من مسابقة الرابطة منها فى شهر سبتمبر 2012وحصلت على المركز السادس بقصيدة ( اية الحكاية يا بلد )
Very Happy

وايضا حصلت على شهادة تقدير من رابطة شعراء العامية المصرية للفوزبالمركز الثانى فى مسابقة اكتوبر عام 2013
Very Happy

وحصلت على المركز الرابع فى الاستفتاء الذى اجرتة رابطة شعراء العامية المصرية عام 2014 على افضل شعراء الرباعيات برصيد 110 نقطة والذى تنافس فية مئات الشعراء الكبار
Very Happy

وحصلت ايضا على وسام التميز من رابطة شعرا ءالعامية المصرية عام 2014 وشهادة تقدير من الرابطة على الفوز بالمركز الرابع فى مسابقة جرح غزة فى اغسطس 2014
Smile

وشهادتين تقديريتين من رابطة شعراء العامية للفوز بالمركز الثالث والرابع على التوالى فى مسابقة مربعات فن الواو فى يونية 2014
Laughing

وحصلت ايضا على المركز الخامس عشر فى الاستفتاء على افضل نجوم الشعر الغنائى فى مصر والذى تم برعاية وتنظيم رابطة شعراء العامية المصرية والذى تنافس فية مئات من الشعراء الكبار
--------------------

واليكم بعضا من اشعارى
----------------
اية الحكاية يا بلد ..
.................

ايام كتير ملهاش عدد...
من يوم ما قلبى انا اتوجد...
من يوم ما همى انا اتولد...
حبيتك انتى يا بلد...
..............
عشت النهار فى دنيتك ...
اشقى واتعب واشتهى ...
وادعى لربى ينصرك ...
وجبال همومك تنتهى ...
دعوات كتير مالهاش عدد..
لأجلك انتى يا بلد...
...............
صحيح حياتنا متعبة...
شلنا الهموم منذ الصبا ...
لكن هتفضل امنا ...
بلد الرجال الطيبة ...
فيها ابويا انا اتولد...
لو انتى فاكرة يا بلد...
.................
عمرى ما أخونك واخذلك...
و اهد حيطة من الحيطان ...
دة اللى يفكر يغضبك...
يبقى حليف مع الشيطان ...
ما شافش نيلك والشجر ...
ولا شافش قمحك فى الغيطان ...
وياريتة ما كان اتوجد ...
ولا يستحق يندفن ...
فى ترابك انتى يا بلد ...
.................
عبده ومحمد ابو الوفا ..
اصحابى من زمن الوفا...
نلعب سوا واحنا صغار ...
نقعد سوا جنب الجدار ...
حب وسعادة بدون حدود ...
وارثينها من زمن الجدود ..
حبك بيسرى ف دمنا ...
انتى يا مصر يا امنا ...
يا أغلى عندى من الولد ...
كلة فداكى يا بلد....
......تمت .......
...................
ومن اشعاري ايضا قصيدة كتبتها بمناسبة الاحداث المؤسفة التى حدثت بعد ثورة 25 يناير
واقول فيها
بقالنا سنين بنتعذب...
وعمر ف يوم ...
ما قلنا .... آة .....
بنتشوق لحلم جميل ....
بيجرى واحنا نجرى وراة....
قولولى لية هدمتوا حلم.....
طوووول العمر نستناة....
ضيعتوا لية حلمكم ...
وحرقتوا قلب امكم....
..............
بلدكوا لية كدة تحرقوها ...
بحفنة فلوس ملعون ابوها ...
مش كان كفاية اللى حصل ...
ان الكبار.... بقوا ينهبوها....
وراحوا استحلوا دمكم.....
صعبان على انكم ...
حرقتوا قلب امكم ...
..............
بصوا شمال .بصوا يمين...
هتلاقوا مين عمل خراب...
كدة ....زيكم ........
عاملين فتوات البلد....
ولا حد فيها يهمكم...
هتموتوا أنتوا وتنتهوا ...
وهى تفضل بعدكم ...
صعبان على انكم ...
حرقتوا قلب امكم ...
.................
عيشوا حياتكم مكرمين ...
بدل الفساد ...بدل الدمار...
اللى عملتوة من يومين ...
ما عملة هكسوس ولا تتار....
خليتوا راسنا فى التراب ...
وبقيتوا خزى ...بقيتوا عار...
البعض منكم مش كلكم ...
صعبان على انكم ...
حرقتوا قلب امكم ..
...............
...............
وقصيدة فى حب مصر يامصر ....يا حتة منى

يا اغلى م العين والننى

نفسى ....اوصفك لكنى
مش ....عارف اوصفك
................................
اوصف ارضك وزرعك
والناس ...............الطيبة
ولا شوارع ..........بتشهد
ذكرياااااااااااااات الصبا
................................
اوصف نيلك .....وقمحك
ولا اوصف....... جناينك
خايف اخونك فى وصفك
وعمرى ما كنت.. خاينك
مهما تقاسى .......يا بلدى
ربك حافظك.... وصاينك
ومهما اوصف..... جمالك
مش هاقدر.........انصفك
ونفسى اوصفك .....لكنى
مش قادر ..........اوصفك
...................................
يا ام الهرم ............النيل
والمغنى......... والمواويل
وشوقى وطة.........وحافظ
والشعراوى ........وزويل
وكتير كتير ..........ولادك
فى المشوار....... الطويل
ومهما قلنا ........فى حقك
ابدا......ما ..........ننصفك
ونفسى اوصفك .....لكنى
مش قادر ..........اوصفك
.........تمت...................
محمد نعمان الهوى
13/06/2012
.................
فى ذكرى
نصر اكتوبر المجيد
--------
حلم النصر
--------
جندى وقناة ومية
ورصاصة ف بندقية
ودشمة بالرمل مغمورة
واحمد مــن المنصورة
قاعد وبيرسم
ع الرمال صورة
لبنت عيونها عسلية
وحنة وشعر بضفيرة
وفستان ابيض وطرحة
و100مبروك وعقبالك
ولحن وفرقة بتغنى
وصحبة تقول هنيالك
وامة واقفة تدعيلو
ونظرة حزن ف عيونها
اللى فى السما سارحة
تقول يارب امتة النصر
بنصرك تكمل الفرحة
---------
فى كل صباح
على الجبهة
يحس المها وعذابها
ومصرحبيبتة بتنادى
هاتولى النصر ياولادى
يرد يقول ومليون نصر
لعيونك يا غالية يامصر
فداكى الروح يا بلادى
ياسينا الغالية هتعودى
يا ارض اولادى وجدودى
ولما تنادى هلبى الندا
قلبى وروحى لبلدى فدا
وارفع رايتك واخزى العدا
وهمسح دمعة فى عيونك
اللى ف السما سارحة
واقول يارب امتة النصر
بنصرك تكمل الفرحة
----------
فى يوم ستة من اكتوبر
وقبل الصبح ما يشقشق
سمع هاتف يقولة قوم
خلاص حلمك هيتحقق
هتكمل فرحتك يااحمد
وترجع للديار ظافر
ونور الشمس هل وبان
وكل ليل ولة آخر
ومطلوب منك تحارب
على النصر اللى تحلم بية
تحرر ارضنا الغالية
دة حلم الكل مستنية
وتفرح يا ابنى قلب امك
وتمحى الحزن فى عيونها
اللى فى السما سارحة
وتهدى لمصراجمل نصر
وبنصرك تكمل الفرحة
----------
تمت بحمد الله
-------
محمد نعمان الهوي
-------
------- العيد -----
العيد جانا ولا ضحكنا ولا فرحنا
القلب مهموم وشـــايل تلتميت محنة
وسنين تمر عليناغيرت فينا حاجات
لا العيد بقى عيد ولا احنا بقينا احنا
-----------------------
محمد نعمان الهوي
2016/9/12
---------------------
همسات واشواق
-------
فى سكون
الليل تهمس
ياحبيبى لا تدعنى
ثم ضحكت لى وقالت
فلتكتب كثيرا عنى
صف للناس أشواقا
ترقص لك وتغنى
وارسم لهم عيونا
ارهقها البعد والتجنى
صورلهم لوعة قلبى
وحنينى اليك وظنى
فأنا أنت يا حبيبى
أنا منك وانت منى
كن كثوبى الحرير
واحتوينى فى تأنى
كن كعطرى الاخاذ
يحكى للــــــيل عنى
كن ريشة ترسمنى
باحــــاسيسى وفنى
كن بساط من الامانى
أة كم اعشق التمنى
فلتقل هذا واكثر
ولا تدعنى للتسنى

--------
شعر/محمد نعمان الهوي
2016/9/8
---------
-------------
ثورة شاعر
....
فى ليلة
من عمرمضى
داهمتنى الذكريات
كادت الروح تطير
وكاد العقل فيها
ان يجن وينفجر
------
مزقت كل قصائدى
قطعتها ..احرقتها
اضرمت فيها النار
تعلوا وتستعر
....
لاءن معظمها نفاق
بل كلها مدح وتفخيم
وبوح وتعبير
لمن لا يعتبر
....
وغفوت ساعات
بقرب وسادتى
عانقتها بللتها
بدموع عين
ساقطات
كالمطر
....
وفى الصباح
عادت الى
قلبى العليل
دقات تعلو
ثم تعلو
والشوق سيل
منهمر
....
وبدأت اصحوا
من ثباتى
واخذت ابحث
عن وريقاتى
ونسيت انى
كنت قد
مزقتها
احرقتها
فلم يعد
لها اثر
-
فلم يعد
لها اثر

....
بقلم
محمد نعمان الهوي
-------------------
----- رباعيات -------
الحمد لله انى انا عــــايش محدود الدخل
لاعندى بقرة ولاجاموسة ولا معزة و سخل
افطـــر بقرقوشة ونابت واتغدا فــــــول
وانام خفيف على حصيرة او تحت النخل
------------------
عايش فى حالى لاظــــــالم ولا انا مظلوم
احب الخير للبشرية مـــــــن فرس وروم
عمرى ما اكرة ولاابغض ولااقول الشين
الكل اهــــــــــــــلى واحبابى دلتا وسلوم
------------------
----محمد نعمان الهوي
-----------------------
----- حوارمع عمنا رمضان-----
--------------------------------
عمنا رمضان لية حزين
عشان راح منك عشرين
قال ابدا اللى مزعلنى
احوالكم يا بنى آدمين
صوم بتصوموا وصلاة بتصلوا
وعارفين كل امور الدين
بس الناس دايما مخنوقة
حتى اولادهم مش طايقين
انا ضيفكم ايام معددة
اغتنموها يا مسلمين
ازاى بس ف شهر الرحمة
تتخانقوا وانتم صايمين
افعالكم فى نهار رمضان
برىء منها ليوم الدين
والصوم فرض عليكوا تحسوا
معانات الفقرا المساكين
تفتكروا اخواتكم فى سوريا
او فى ليبيا وفلسطين
قلت لة يابوصيام الناس
بقيت زحمة وبالملايين
ومصاريفك بقيت الوفات
وهدوم للعيد مش لاقيين
المانجا بعشرة جنية الكيلو
واللحمة بخمسة وسبعين
لو مش عاوز لحمة الفرخة
الكيلو بسبعة وعشرين
والبامية نزلت تتقمع
والكيلو منها بتلاتين
خد عندك كيلو الليمون
يابوصيام كان بأربعين
والبطيخ كمان اتجنن
اصغر بطيخة بعشرين
دة صيامك دايما بينسى
و نسيت اقولك سعر التين
قال لى كفاية كدة هتجنن
واروح مستشفى المجانين
انا كنت زمان اشوف جدودكم
الاقيهم حامدين شاكرين
لا مكيف ولا حتى مراوح
بالقليل وكانوا راضيين
طول اليوم بيحرث ويسقى
والخير كان مالى الفدادين
والجار كان يسأل على جارة
وكانوا فى النعمة عايشين
وعيالهم يفرحوا بالعيد
من غير بدلة ولا فساتين
لا مقاهى ولا فون ولا نت
وكانوا طول الليل قايمين
تراويح وتسابيح وتلاوة
للفجرية ياناس ساجدين
وانتوا يادوب تصلوا المغرب
تبتدوا ماراثون فى التدخين
اوتسهروا على ماتش الكورة
وبضبع منكم وقت ثمين
عاوزين بس تروحوا الجنة
وعلى فعل الخير مش قادرين
قلت يارب الطف بعبادك
انت القادر---- والمعين
قال ربنا يتقبل منكم
رديت اللهم آمين
رديت اللهم آمين
--------------------------
--------------------------
محمد نعمان الهوي
20 رمضان 1437
--------------------------
.......تنهيدة ........
.........................
ارفعى راسك يا مصر
مالك فى الارض بصة
حكامك فى كل عصر
عاملين فى الحلق غصة
نكسة ليكى وجابوها
خيرات ارضك باعوها
وحقوق شعبك نهبوها
حتى شبابك حبسوها
واللى جابلك النصر
قتلوة فوق المنصة
...................
محمد نعمان الهوي
27فبراير2016
------------------

.............

...........
ولى صفحة على الفيس بوك ادعوكم لزيارتها وتشريفنا بحضوركم المتميز على هذا الرابط

https://www.facebook.com/ABODEAA1969?ref=hl

سيرة مشرفة
ونورت المكان أستاذ محمد نعمان
فمرحبا بحضورك المشرق

» السيرة الذاتية - محمد سعد دويدار إلى مايو 2024
» نبذه مختصرة و جزء من السيرة الذاتية للقارئ والمبتهل الشيخ عبدالرحيم محمد دويدار
» رباعيات محمد نعمان الهوى
» الشاعر محمد نعمان الهوى
» إهداء من الشاعر محمد نعمان الهوى