مافيش حاجه . جيهان فتحى

مــفــــيش حـــــاجة ::
~*~*~*~*~*~

وبين حاجات عيشاني .. وميت مليون علشاني ..
منيش حاجة ..

هناك أحلام بتحلمني .. وحلم بيجري في دمي ..
شبه حاجة ..

زرعت البكرة ع المية .. لقتني ف أمس مرمية ..
ومش حاجة ..

خيوط الشمس فستاني .. وأنا فكراها عنواني ..
وعنواني ولا حاجة ..

بمد اديا لاديــــــــــا .. عشان ألقى معـــــدية ..
ألاقي اديا محتاجة ..

مسكت كل أوراقي .. أشوف مني وايه باقي ..
مفيش حاجة ..

دموعي حتى هجراني .. بتعلن لية نكراني ..
عشان هدفي ولا حاجة ..

طريق ملهوش كده ملامح .. مفيش اصرار فرس جامح ..
عشان حاجة ..

بيصرخني ليل الخلان .. ملاقية قلب نبضه حنان ..
وأغراضه ولا حاجة ..

وناس جاية هنا تطبطب .. كلام حلو ومترطب ..
عشان حاجة ..

حاجات كتير هنا عندي .. مش فاهمة منها ولا حاجة ..
ناديت بكرة يصــــالحني .. عشان حلمي يسامحني ..
وأهدافي تكون حاجة ...
♥~♥~♥~♥~♥~♥~♥~♥~♥~♥~♥~♥

بقلمي /

.•*´'`°¤¸'¸¤°´'`*• .•*´'`°¤¸'¸¤°´'`*•
ღ@@ღ جــيـــهــــــان فـــتـــحــــــــي ღ@@ღ

(¯`v´¯) (¯`v´¯)
`•.¸.•´خـنــســـــآآآآآآآآآآآء الإســـــــكندريــة `•.¸.•´

شكرا لشاعرنا الراقى الاستاذ محمد فتحى
على عمل هذه المنتديات التى ستضم ابداعاتنا
على موقع رابطة شعراء العامية المصرية
وان شاء الله فى تألق دائم

» الفجوه . جيهان فتحى
» منيش هامش ابداع مشترك بين جيهان فتحى ومحمد فتحى
» علمك تلت الوان . جيهان فتحى
» جيهان فتحى . دمعه جوايا
» جيهان فتحى . حدود الرفض