أغنية ( صوت المكن ) ـ عبد المنعم جبر عيسى

صوت المكن
صوت المكـن الله أكبر يعلــى ويكبـر
فوق المحن مصر تعدى والخير يكتر
عايزين الصنعة اللى تشرف عايزين الإيد اللى تعمر
عايزين القلب اللى يشارك بالحب مكنا .. ويدوَّر
صوت المكـن الله أكبر يعلــى ويكبـر
فوق المحن مصر تعدى والخير يكتر
تحت الراية العالية دى هية ابنى علِّى انت وهيا
علوا خلوا الحلم حقيقة جوه حياتنا لسنين جايه
صوت المكـن الله أكبر يعلــى ويكبـر
فوق المحن مصر تعدى والخير يكتر
مصر بلدنا أهيه أهيه عاليه رايتها فوق الكل
جوه بيوتها وف مصانعها تلقى المكنه زى الفل
صوت المكـن الله أكبر يعلــى ويكبـر
فوق المحن مصر تعدى والخير يكتر
روح مصانعنا شوفا انتاجنا تلقى الاسم الدهبى عليه
زور مزارعنا دوق محصولنا تعرف طعم النيل يحميه
صوت المكـن الله أكبر يعلــى ويكبـر
فوق المحن مصر تعدى والخير يكتر
أصـل بلدنــا الغاليه علينـا لازم اسمهـا دا نعليـه
خيرهـا دايــم كـدا حوالينـا ليه ننكره أو ليه نداريه
صوت المكـن الله أكبر يعلــى ويكبـر
فوق المحن مصر تعدى والخير يكتر
عاشـت طول العمر عظيمة عمرها أصله بالألافـات
وف أثاراتها حضارة كبيرة تحكى حكاية كل ما فات
صوت المكـن الله أكبر يعلــى ويكبـر
فوق المحن مصر تعدى والخير يكتر
لنا أجداد عملوا ما خلو والدور دوركم يا شبان
تجعلوا كل الصحرا جنينه قدموا حاجه للأوطان
صوت المكـن الله أكبر يعلــى ويكبـر
فوق المحن مصر تعدى والخير يكتر

عبد المنعم جبر عيسى

شكرا جزيلا على المساهمة الراقية
ونرجوا ان يتم ادراج الاسم ثلاثيا فى نهاية النص المنشور
للحفاظ على الحقوق الادبية اولا
وثانيا ليعلم القراء من الاعضاء والزوار للموقع
اسم الشاعر الذى كتب النص
فلك ارق تحية واجمل الزهور

Admin كتب:: شكرا جزيلا على المساهمة الراقية
ونرجوا ان يتم ادراج الاسم ثلاثيا فى نهاية النص المنشور
للحفاظ على الحقوق الادبية اولا
وثانيا ليعلم القراء من الاعضاء والزوار للموقع
اسم الشاعر الذى كتب النص
فلك ارق تحية واجمل الزهور

والشكر موصول لكم أستاذنا الكريم ..
سعدت بمروركم .. وتشجيعكم
تم تعديل الاسم كما أمرتم ..
تحياتى لكم .

» دموع قلم ( عبد المنعم جبر عيسى )
» عصر جديد ( عبد المنعم جبر عيسى )
» أغنية (العصفورة)
» أغنية الوداع
» أغنية (((إسمعيني ))