كدابه . شعر نجلاء ماجد

كدابة
Naglaa Maged‎‏
انا اللى طلعت كدابة
انا اللى كدبت على نفسى
وعشت الكدبة بخيابة
وصدقت ان انا منك
ومهما تغيب هترجع تانى واضمك
وهندهلك واقول بابا
انا اللى عشت ليك طفلة
تفرحها بتتنطط
تخوفها بتتلخبط
بتضحك لما تصفالك
ولما تسيبها بتعيط
وعايزة تروح منين ما تروح
متبتة فيك بتتشعبط
تمشيها ف اسواقك
تسفرها ف اوراقك
تدوبها فى اشواقك
تركبها بحور شعرك
تسمعها ادان فجرك
كأن الدنيا من غيرك
سكنها وحوش وديابة

» الشاعرة نجلاء نعيم من الاسكندرية فى الموسوعة