أغنية (يا بهية)

يا بهية
يا بهية وخبريني
ع الغربة والحنين
لما الأيام تعدي
وتطوينا السنين
والعمر مش مكفي
والوِلد صغيرين
للدنيا أمد كفي
أرجع من غير إيدين
وأنا طول زماني بأجري
وخداني الريح لفين
يا بهية وخبريني
ع الغربة والحنين
*****
وأتاري الغربة وعدي
ومسطر ع الجبين
وياخدني الموج ويجري
ما أعرفش أرجع منين
ناخد وياه وندي
ونقول فاضل يومين
ويومين مالهمش آخر
وتطوينا السنين
يا بهية وخبريني
ع الغربة والحنين
***
وحاولت اصبر وأداري
وأقول ما نيش حزين
والحزن سقف داري
والجدران الأنين
يا ما نفسي أرجع لناسي
وأصحابي الطيبين
وتتوه الدنيا مني
تلقانا محتارين
ونشوف الدنيا ضلمة
وعيونا مفتحين
يا بهية وخبريني
ع الغربة والحنين

خالد عز الدين

» أغنية (العصفورة)
» أغنية الوداع
» أغنية (((إسمعيني ))
» أغنية بنتعاهد
» أغنية ... تصدق؟