رباعيات..للمسابقه الكبري

ربــاعيـــــات
...................
واهي دنيا
....................
واهي دنيا وسرقانه
وفيها قلوبنا عشمانه
بنمسك ليه فـ ديل توبها
وهيّ بتجري فايتانا

بتاخد احلي مافينا
وبتغرب امانينا
ولما الحلم يسرقنا
بترجع تاني ترمينا

بتهدم احلي ايامنا
وبتجدد جروح فينا
ولما نقول نفوق منها
نلاقي العمر فات بينا

ولا فضلشي غير الذكري
وطيف باهت يسلينا
نعيش نحلم نشوف بكره
تجينا بليل يغطينا

وتقفل كل ابوابنا
وتقطع خيط أمل لينا
ومـ المكتوب تخوّفنا
وتزرع شكّ يكوينا

نعيش نصبر علي جروحها
واحزانّا تكفّينا
ولا نرضي نتوب منها
ولا هيّ بترضينا
اهــــــي دنيـــا

كلمات معبره من شاعر كبير لك تحياتى

» مربعات....للمسابقه الكبري
» قصيدة...آه يا بلــــــد...للمسابقه الكبري
» قصيدة..أعذريني..للمسابقه الكبري
» ايوه انا زعلان .... نص للمسابقه الكبري
» قصيدة...اصحي وفوق...للمسابقه الكبري