محروسة م العباد

تعبت من الكلام
والليل عمال يفوت
والضلمه فى كل حته
والدم ع الحدود
وايادى ارهابية
بتخرب فى البلاد
فى سينا ميت خليه
صوابعها ع الزناد
بتاجر فى السلاح
بتاجر فى الكيوف
وازدادت الشروخ
وكترت الجراح
والحمل بقى كبير
على جيشنا والغفير
واشتقنا للامان
على حدود الجيران
وعدو عمال يجيش
صوايخه ع الحدود
واحنا زى ما احنا
بندور ع الوقود
وازاى نشعلها فتنة
وخيرنا ياكله دود
والكرسى له بريق
جنن كل العقول
فى مصر ميت فريق
ودا بخلاف الفلول
الكل همه كرسى
مايهمه اى زول
الله يعين ترابك
ياغلى البلد
من شر اى كرسى
بكاكى والولاد
محفوظة والله ياامة
بربك م العباد