رابطة شعراء العامية المصرية

رابطة شعراء العامية المصرية

ملتقى شعراء العامية المعاصرين من محافظات مصر .أسسها الشاعرمحمد فتحى السيد على فيس بوك فى24 يناير 2011
 
الرئيسيةمكتبة الصورس .و .جبحـثالمجموعاتالتسجيلدخول
. . . . . . . . . . أهلاً ومرحبا بكم فى موقعكم الراقى بكم رابطة شعراء العامية المصريةتأسست فى 24 يناير 2011 رئيس مجلس الإدارة الشاعر محمد فتحى السيد
سجل بياناتك وأجمل إبداعاتك فى موسوعة شعراء العامية المصرية .. استمتع بكافة ألوان الشعر العامى المصرى والعربى وتعرف على أحدث ألوان العامية العربية ( مربعات الأرابيسك المعشقة ) برعاية الشاعر محمد فتحى السيد مبتكر هذا الفن وتمتع بالمشاركة فى مسابقاتنا فى كافة ألوان الشعر العامى

شاطر | 
 

  سِفر البداية الإصحاح الثاني

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ahmed kamel
شخصيات هامة
شخصيات هامة
avatar

عدد المساهمات : 2
نقاط : 6
السٌّمعَة : 0
تاريخ التسجيل : 03/11/2011
العمر : 44
الموقع : الاسكندرية . مصر

مُساهمةموضوع: سِفر البداية الإصحاح الثاني   الخميس 3 نوفمبر 2011 - 20:27

( 1)
كل الناس _ تقريباً _ ..,
شايفني مسيح !!
و بشوف فـ عيونهم ,
نظرة غريبة
خليط من شفقة و خوف
و انا وحدي المؤمن ,
إن إيديه ما هيش مصلوبة ,
إنما جناحات ,
حتخلّق ليا مساحة ...........
أطير

( 2 )
إعتدت
بعد النظرة الأولي لآخر الشارع ,
اغمض عيني و اكمل مشي
مع إن كتير نصحوني :
الشك طريق ,
بيحط فـ قلبك طول السكة يقين .
و برغم وقوعي فـ حيرة
ما حاولتش ,
غير إني أغمض عيني و اكمل ...

(3)
حايلتني عشان تقرالي الكف
بالطبع رفضت
رغم ان النظرة اللي فـ عينها ,
قدرت تقنع كل اصحابي ,
يمدوا كفوفهم

(4)
ما حاولتش ابص فـ نفسي _ بجد _
علشان اتأكد
من إن إزاز نضارتي ..,
ما بيكدبش

(5)
بعد اللفة التالتة
قررت أبص ورايا
فـ لقتني ,
وقعت حواجز يامة
_ الظاهر إني اخترت حصان أعرج ,
فـ تراك مش صح _
بس الظاهر ..,
مش دايماً بيكون تأكيد
و أكيد
إن الشفقة اللي فـ عينهم
مش تأكيد علي إني مسيح
و لا خلتني أفتح عيني ,
بعد النظرة الأولي لآخر الشارع
و لا أفرد كفي لحد ,
لمجرد إنه يمارس طقس عبيط
و أكيد ..
إن الفرص الباقية خطاوي
لسه يادوب حبدأ .....,
أمشيها
الرجوع الى أعلى الصفحة اذهب الى الأسفل
الشاعر محمد فتحى السيد
رئيس مجلس الإدارة
رئيس مجلس الإدارة
avatar

عدد المساهمات : 317
نقاط : 513
السٌّمعَة : 0
تاريخ التسجيل : 18/10/2011
العمر : 52
الموقع : مصر

مُساهمةموضوع: رد: سِفر البداية الإصحاح الثاني   الأحد 26 فبراير 2017 - 11:28

شكرا لك على المساهمة القيمة
وإن شاء الله القادم أجمل
لك أرق تحية وباقة من الفل والياسمين
الرجوع الى أعلى الصفحة اذهب الى الأسفل
 
سِفر البداية الإصحاح الثاني
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
رابطة شعراء العامية المصرية :: الشعر العامي المصري والعربي بكافة ألوانه-
انتقل الى: