آخـــر خطـــــا ويــنا

آخر خطاوينا
....................
كان بيقولي كلام عـ الحب
كنا بنقعد نحكي كتير
نوصف كل اشواقنا لبعض
وفـ احلامنا كنا نطير
زي اثنين عصافير بنحب
جوه قلوبنا براح مفتوح
وباحلامنا الكون جنتنا
نجري ونلعب نيجي نروح
واما السهد فـ ليلهُ يزورنا
اجري اندهله ونطلع فوق
جنب القمره الحلوه بنسهر
ونْجمّع فـ نجوم الحب
نجمه فـ نجمه ونلضم فيهم
لجل نكمل توب الشوق
كات فرحتنا شوارع خضرا
تطرح احلي جناين ورد
لما نفكر نسمع غنوه
نسمع صوت دقات القلب
بس خساره دي كانت ذكري
لما اتغير بحر الحب
كل امواجه الهاديه اتقلبت
فجاة وعليت زي السد
لما نقرب منها نلاقي
كل احلامنا فـ ثانيه تهد
نجري ونبعد نسال روحنا
ليه اتغير نبع الود
وبتنهيده شوق مدبوحه
موت همس حياتها العند
نلقي دموعنا بتبكي علينا
وتْغسّل فـ ضلوع امانينا
وتكفنها بتوب فرقتنا
نصرح ننده علي بعضينا
ونفتش علي نبض قلوبنا
نلقي الموت سادد شريانها
وبينهي اخر خطاوينا
مات الحب وخلصت قصه
واتمسحت منها اسامينا

شكرا لك على المساهمة الراقية
ودى وتقديرى

» آخـــر خطــاويــنا....قيديو