دمـــــ الشـــــــــــــــهيد

دمــ الشـــــــــــــــهيـــد
...................................
الحرف ينزف مـ الوريد
يصرخ الم يعزف نشيد
والكلمه سايل حبرها
أحمر بلون دمّ الشّهيد
حتي الورق يبكي حزين
بين السّطور لابس سواد
والخطّ ماشي بينحني
شايل حروف شكوي وأنين
آه والقلم طافح مرار
ماشي بخطاوي الإنكسار
يكتب حروف تطلع نقط
والنقطه ليها الف تار
لحظه سكون شَدّه الوتر
من غير فواصل تبعده
أصل الضّمير ميّت هناك
والعلّه كانت فـ البشر
جوّه القلوب منشار حديد
قطّع ملامح ضحكتك
وسط النّهار مات الوليد
والغدر طفّي شمعتك
والآه بتكتب كم نشيد
يمكن نغنّي غنوتك
لو في الصّدور إحساس حديد
والله داب من فرقتك

شكرا لك على المساهمة الراقية
ودى وتقديرى