ما بين البتر و اللدغ

كان واقف على شط البحر
بيتمتم ترانيم مجهولة
ترانيمه مع كل الماضى
و سنين العمر المحسوبة
بتلقط لحظات الصمت
بتلقط لحظات الضعف
أمواج الدمع ف عيونه
هزت ظلمات البحر
سمع البحر عليه بينادى
كفكف دمعك يا حزين
عمر الدمع ما ينزع منك
طعنات الغدر المسمومة
و قدر يبتر أحزانه ..
يدفنها ف رمال الشط
أحزانه وقفت على بابه
بتكسر مجاديف الوقت
مجاديف الوقت المكسورة
عقاربها بتلدغ أيامه
و تُبخ سمومها الملعونة
البحر راح فاتح حضنه
بيقوله أغسل أيامك
لا غسيل البحر و لا موجه
راح يحي من الموت أموات
ده ما بين البتر و اللدغ
ضاعت مفاتيح العقل
ضاعت كل الأحلام
مش فاضل غير حلم بيُعرُج
متعكز على وهم الحب
مش فاضل إلا الأوهام
_________________ .. وليد الابيض[center]