المراية اتشوهت

المراية اتشوهت
===========

لما المراية اتشوهت
الصورة طالعة مشخبطة

وشوش ضحوكة قانعة
ووشوش كئيبة ملخبطة

وعيون هدفها الشعللة
وفي الكراسي معبطة

في ناس بتنفخ في النفير
غاوياها ظيطة وهلفطة

وعـ الشاشات ليلاتي ناس
هاتك يا رغي وسفسطة

ومن بعيد شايف ديابه
واقفه غاوية الشعبطة

لفيت مرايتي ناحيه تانية
شوفت هوجة وفطفطة

شوفت موجه جوه موجه
ووشوش كتيره متمرمطة

شقوق غويطة جوه حيطة
في ليل شتا من غير غطا

اسف مرايتي هاكرهك
وهاجيب مراية مزقططة

قالت مرايتي مستحيل
الأخد على كد العطا
------------------------

---

شكرا لك على المساهمة الراقية
ودى وتقديرى

» قصيدة ( المراية )