سِفرالحياه والموت . احمد كامل

سِفرالحياه والموت

زيك .. زيي
فـ بلاش تقنعني بإنك عايش
لا الموت فراق الروح
و لا الحياه ..,
نفس بيتردد عليك
تضمن منين ..,
إنك مش عايش تخاريف الموت
أنا ما اضمنش
وانت ما تقدرش تحدد
ببساطة لأنك ..,
عمرك ما صادفت فـ حلقك ,
طعم حياتك
............................
ضهري ,
اتقل من طالب شايل ..,
شنطة كتب اليوم الكامل
وبرغم الشيلة ,
بحاول اوسع ركن ,
استقبل فيه الجاي
م انا عارف ,
إن اليوم حيَفرغ فيا ساعاته
طلقة .. بطلقة
مش حيَبقي لبكرة ثواني
و بكرة حييجي ..,
بنفس القلب الكافر
وانا لازم اعافر
لحد ما ييجي اليوم العارف ,
إن حرام الضرب فـ ميت
فـ يغمض .. روحي
............................
زيك .. زيي
ولإني ..,
مدبوح علي باب الخوف ..
من ضهري
حاسس بيك
وكلامي ..,
مش تقطيع للوتر الفاضل
لكن صمتي ..,
مش حيرد حياة ....
لوريد .

شكرا لك على المساهمة الراقية
ودى وتقديرى

» ثورة . احمد كامل
» اعتراف . احمد كامل
» بشاير . احمد كامل
» أول غناوي العشق . احمد كامل
» ثورة / أحمد كامل