بشاير . احمد كامل

بشاير

مديت عينية ..,
_ فـ دهشة الملهوف _ خطفت ...
طرح السما _ قبل الأوان _
صبار بطعم الإحتياج

دايماً ..
بفرق نفسي ع المشاوير
مع إني عارف
إن الطريق ,
أطول من المعتاد
وكل م اوصل ينحني ...,
ويطول
مشغول بجمع الأمنيات ,
وانا .. بغرق
واعرق ,
فـ عز الطل من ضعفي
واحاول اسرق م الفَرَح .. لحظة
يحاكمني حزني بتهمة م اعرفهاش
تسقط دموعي ,
تحرق الأحلام
زحمة السما بنجوم هزيلة
وضلوعي ..,
أوسع ركن بمتلكه
دماغي أزحم من بيوت النمل
بدوس علي نفسي مش دريان ,
ولا قادر ,
ألملم جلدي م الأسفلت
دفنت عيوني فـ الزحمة
لا مرايتي بتعكسني ,
ولا بعتر .. فـ عنواني
مضطر إني ,
أعيد الرحلة م الأول
و أشرب فراقنا ,
لحد م يحين الاكتمال .

شكرا لك على المساهمة الراقية
ودى وتقديرى

» ثورة . احمد كامل
» اعتراف . احمد كامل
» أول غناوي العشق . احمد كامل
» سِفرالحياه والموت . احمد كامل
» عنقود ندى . شعر احمد الحلى