من رباعيات ( علاء البلتاجي )

من رباعيات علاء البلتاجي

1


ماشي و بلف الكون علي رجلي بتمشي
فرحان سعيد ممنون و بــ صدر الطرشه
قالوا زمان اضحك و الدنيا هــ تضحكلك
و رغم اني بضحكلها معرفش ليه أفشه ؟؟؟

عجبـي !!!

__________


2

طبعك غريب و عجيب يا مذكر الأنسان
فيه سبع لما يخيب بيركبوه النسوان ...!
يتاطي من خيبته و يقل من هيبته
و مقدرش أوضح عيب ليزعلوا الخرفان
عجبـي

____________

3


الفيلم ده كوميدي و جو قديم و رخيص
و انا بردو مش هندي ولا واد و عيل سيس
اسطوانة مشروخة و قديمه و منسوخــــه
بالكدب منفوخة و بتقولي جاي لي عريس

عجبي!!!

__________

4

تعبت من التفكير في حياتي و العيشه
عقلي خلاص هـ يطير بقي أخف من الريشه
شغال كتير و أحتار و تاعبني ليل و نهار
و ياريته كان بزار او كوبس او فيشه

عجبـي!!!

_______


5

هــ تكسب ايه من الدنيــا يالي قصدت المال
من غربه للتانيه شقيان في رزق حلال
فاكر النهايه سعيده يا وحيد في تنهيده
و وراك في ست وحيده بتربي بطولها عيال

عجبي !!!

█▓▒ علاء البلتاجي ▒▓█

كل الشكر يا شاعرتنـــا علي التوصيح
بس ازاي اقدر انقل النص ده و نص الشعر العامي الي المسابقات الخاصه بيهم ؟؟؟
و طبعااا قبل اي حلجه كل الشكر لحضرتك علي المرور الراقي الرائع

اشكرك يا شاعرتنــا
انا خلاص شاركت بأعمال تانيه عشان ميحصلش لخبطه ^^
تحياتي و تقديري و احترامي