رابطة شعراء العامية المصرية

رابطة شعراء العامية المصرية

ملتقى شعراء العامية المعاصرين من محافظات مصر .أسسها الشاعرمحمد فتحى السيد على فيس بوك فى24 يناير 2011
 
الرئيسيةمكتبة الصورس .و .جبحـثالمجموعاتالتسجيلدخول
. . . . . . . . . . أهلاً ومرحبا بكم فى موقعكم الراقى بكم رابطة شعراء العامية المصريةتأسست فى 24 يناير 2011 رئيس مجلس الإدارة الشاعر محمد فتحى السيد
سجل بياناتك وأجمل إبداعاتك فى موسوعة شعراء العامية المصرية .. استمتع بكافة ألوان الشعر العامى المصرى والعربى وتعرف على أحدث ألوان العامية العربية ( مربعات الأرابيسك المعشقة ) برعاية الشاعر محمد فتحى السيد مبتكر هذا الفن وتمتع بالمشاركة فى مسابقاتنا فى كافة ألوان الشعر العامى

شاطر | 
 

 مقاطع من سلسلة ( عابر سبيل) (1)

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
الشاعرة منال درويش
شخصيات هامة
شخصيات هامة
avatar

عدد المساهمات : 47
نقاط : 113
السٌّمعَة : 0
تاريخ التسجيل : 27/10/2011
العمر : 47
الموقع : القاهرة . مصر

مُساهمةموضوع: مقاطع من سلسلة ( عابر سبيل) (1)   الثلاثاء 1 نوفمبر 2011 - 11:02

مقاطع من سلسلة ( عابر سبيل)
************************
انشرها متتابعة ان شاء الله Smile دمتم للشعر

مفتتح:
*****
صفرت يا قطر محطاته
تعبت من كتر الجري وراه
وانا باستناه
الحلم الفارد درعاته
ومراهن ع الكون بحياته
قطع المشوار
ما بين النسمة اللي مسافرة
والقلب الحالم بنهار
لجل ما توصل للشموسه
السارحة ف حضن النوار
صفرت يا قطر محطاته
وأنا عابر و سبيلي آهاته
باتمني الضحكة فِ دمعاته
ومسافر يبحث عن ذاته
مشتاق للحضن الجواني
عابر ، و دنيتي واخداني
بأخرج من عالم للتاني
سواح في بلاد الله
والخلق خلايق يتعدوا
وفِ هم المسافات بيباعدوا
وان توهت فِ سكتي ح يساعدوا
دي عجايب خلق الله
صفرت يا قطر محطاته
وأنا عابر وسبيلي آهاته

(1)
عابر سبيل ، مشوار طويل
والحلم متلفح بليل
والموت سكوت
و العتمة موت
والآهة تصرخ ألف ويل
فين السبيل ؟؟!
من غربة الليل الطويل
دقيت علي كل البيبان
مشتاق يا حلمي
يا اللي كان !!!
محفور علي كل الحيطان
صورة و آذان
واتسرسبت مني السنين
موال حزين
ما دريت ولا أعرف
هوه فين ؟!
يمكن يكون ؟!
يمكن يهون؟!
يمكن ما تنزل دمعتين
تطهر الليل م الأنين
لما أتخنق فيه الحنين
و أتلجم القلم الفصيح
مبقاش يصيح !!!
واتبعترت كل السكك طواحين
يا شاعر الناي والربابة
يا عاشق الناس الغلابة
المحرومين م الحلم والتفاريح
اللي بيوتهم من إزاز وصفيح
متشوقين للنسمة وسط الريح
اللي ساكنهم الألم تباريح
اللي عاشقهم السكات تسابيح
يا شاعر الناي والربابة ……
متلجمة يا شمعة المصابيح ...!!!
____________________
منال درويش
الرجوع الى أعلى الصفحة اذهب الى الأسفل
http://abersabeel.maktoobblog.com/
الشاعر محمد فتحى السيد
رئيس مجلس الإدارة
رئيس مجلس الإدارة
avatar

عدد المساهمات : 317
نقاط : 513
السٌّمعَة : 0
تاريخ التسجيل : 18/10/2011
العمر : 52
الموقع : مصر

مُساهمةموضوع: رد: مقاطع من سلسلة ( عابر سبيل) (1)   الأحد 26 فبراير 2017 - 11:19

شكرا لك على المساهمة القيمة
وإن شاء الله القادم أجمل
لك أرق تحية وباقة من الفل والياسمين
الرجوع الى أعلى الصفحة اذهب الى الأسفل
 
مقاطع من سلسلة ( عابر سبيل) (1)
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
رابطة شعراء العامية المصرية :: الشعر العامي المصري والعربي بكافة ألوانه-
انتقل الى: