ايه يهمك ..حاتم السمان

[center]إيه يهمك ..!؟ إيه يهمك .. لما دمك يبقى سلعة ملك غيرك .. وانت معروض للإيجار ..؟! رغم انفك .. ما انت اصلك كل يوم .. تمنك يقل ..! لا انت عارف مين بيسمع .. ولاّ سامع مين يقول .. مين يطول .. إنه يرفع سعره مره .. بس ياه .. دا الكل باع ..! إيه يهمك بعد ما ضاع اللى ضاع ..!؟ بعد كام ما تعد يابا .. دا السنين عماله تجرى .. يوم .. ما بعنا أرضنا من غير تمن ..! يوم .. ماخنّا نفسنا ويّا الزمن .. يوم .. ما مات الحب فينا واندفن ! يوم .. ويوم م الدم سال . فوق الطريق ..! يوم ما كان الحب رافض .. يبقى للاخوات صديق ..!! ياه يا عربى .. يا اللى بعت الصدق .. ونسيت الأمانه !! يا اللى كاره للمحبه .. يا اللى عاشق .. للخيانه ..!! المزاد قرب معاده .. لم يالاّ البيعه وحدك .. واشترى .. كل إللى عايزه ..!! وانسى اهلك .. انسى بلدك انسى وعدك .. وافتكر .. إنك يا خاين .. يوم ما تحتاج المساعده .. هتلاقينا .. بنناديك ..!! انتهت[left]

شكرا لك على المساهمة القيمة
وإن شاء الله القادم أجمل
لك أرق تحية وباقة من الفل والياسمين

» قصيدة ( ولا يهمك )