دمعة أمـــــــل

دمعة أمل

وسط حكايات المستحيل
كانت حكاية عُمرنا
قهر . ومرار . ودموع . وويل
ويأس خانق حلمنا
ونهار أملنا اللى إنهزم
من ليل أهاتنا ومُرنا
وشعور حياتنا اللى إنعدم
منه إبتسامة حَسنا
مشوار طويل ،
وياألف ليل
ساكنين ف أوجاع النهار
تاهت مَعالم لانتصار
وبقينا راضين بالمرار
راضين بنار
راضين نعيش جوة اللى فات
راضين نعيش عالذكريات
وياألف عار ،
طب والعمل
عايشين فريسة مُحتمل
وبننتظر ...
دمعة أمل
تنزل على خد الأهات
من قلب عين ضى إحتمال الأمنيات
ترسم لِنا ،
سكة نجاه .. جوة الحياه
تحلم لِنا ،
حلم السعادة لمُنتهاه
تعشق لِنا ،
عِشق الأمانى المُمكنة
تكسر لِنا ،
ضهر الجراح المُؤلمة
ترفع لِنا ( تانى الجباه )
فات الكتير
وخلاص وصلنا للأخير
وف الأخير .. مفضِلش خير
تحلابه سيرة أمسنا ،
فاضل لنا ،
( ألبوم صور )
لزقينه ف وشوش الحيطان
يمكن يبان ،
فيه اللى كان ،
أيام زمان ،
ومعيشنهوش .. ومشفنهوش ،
لحظة ما كان .

شكرا لك على المساهمة القيمة
وإن شاء الله القادم أجمل
لك أرق تحية وباقة من الفل والياسمين

» دمعة براءة للشاعر محمد سعد دويدار
» دمعة براءة للشاعر محمد سعد دويدار