رابطة شعراء العامية المصرية

رابطة شعراء العامية المصرية

ملتقى شعراء العامية المعاصرين من محافظات مصر .أسسها الشاعرمحمد فتحى السيد على فيس بوك فى24 يناير 2011
 
الرئيسيةمكتبة الصورس .و .جبحـثالمجموعاتالتسجيلدخول
. . . . . . . . . . أهلاً ومرحبا بكم فى موقعكم الراقى بكم رابطة شعراء العامية المصريةتأسست فى 24 يناير 2011 رئيس مجلس الإدارة الشاعر محمد فتحى السيد
سجل بياناتك وأجمل إبداعاتك فى موسوعة شعراء العامية المصرية .. استمتع بكافة ألوان الشعر العامى المصرى والعربى وتعرف على أحدث ألوان العامية العربية ( مربعات الأرابيسك المعشقة ) برعاية الشاعر محمد فتحى السيد مبتكر هذا الفن وتمتع بالمشاركة فى مسابقاتنا فى كافة ألوان الشعر العامى

شاطر | 
 

 معقول( بهاء غازى)

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
الشاعر بهاء غازى
عضو رابطة شعراء العامية المصرية
عضو رابطة شعراء العامية المصرية
avatar

عدد المساهمات : 4
نقاط : 12
السٌّمعَة : 0
تاريخ التسجيل : 19/12/2011

مُساهمةموضوع: معقول( بهاء غازى)   الخميس 14 يونيو 2012 - 1:08


معقول
أبقي ابنك وابن ابنك
وانتى رافضة تحضنينى
وان يوم ما بانطق بانطق اسمك
وانتى سمعة حد غيري
اسمعيني
مش دا شكلك
دي ملامحك
مش دا نبتك
اللى رضع من نهد نيلك
انا بشتكيلك
ا فهميني
من صغر سني تفطمينى ع المرار
والانكسار وفجر عمري ينتحر قبل مايشوف النهار
ليه لما تيجى توزعي خيرك علينا
م اخدش منة اى حاجة
واما تيجى توزعي همومك مابينا
يكون نصيبي كل حاجة
العدل فيكى م لوش أساس
وظلمك ع الغلابه مداس
ليه لما أطلب حقي فيكى
الموت يكون هو الخلاص
ولية أنا م المنبوذين
المطردين من رحمتك
واسمي اول اسم
في دفتر الممنوعين من جنتك
والله راضى ذمتك
فيه أم ترمى ابنها
فيه أم بيموت قلبها
وارض خيرها يكون لغيرها
ويكون حرام على ابنها
وبموت قصاد عينك علي الرغيف ومنيش لاقيه
وصوتي طارح غل لون الدم وانتي الوحيدة
اللي مغمضه عينك عليه
ملعون أبو اللي يغني فيكي علي حاله
وانتى رفضه تسمعيه
أسمعيني
أسمعيني أو اقتليني و ريحينى
أو فهميني
الكلمة فيكى تتسمع من كل ندل خسيس وعنيكي
ترقية م الحسد
و لما يسرق فرحتي بطبطبي
وانا لما انطق أنجلد
الصبر منى خلاص نفد
والموت شباكه بتتفرد
وبتطلبي انى أتخمد
راح أتخمد
بس قوليلى
ليه غيلانك أتحكموا فى الزاد
ولية ولادك بيخدموا الاسياد
ليه القرش حاكم يأمر وينهى
وآمرة سيف ع الرقاب شداد
ولية ضمير الشرفة بيتعملة مزاد
ليه نصبة سيركك في الشوارع طول وعرض
ودورى فيه لابد انى انفذة وكأنة فرض
بهلول وماشي علي الحبال والحبل مجدول من عذاب
والفرح جوة القلب شاب
والاسوة فيكي لا تقبل التغير
زي ايات الكتاب
والكدب فاكك لجامه مش لاقى حد يسكته
والصدق أعلن انهزامه
والشيطان منك مبرأ زمتة
ليه ولية والف ليه
ولية انا بالذات
حبك بحسة فتات.!

Bahaa Ghazi
الرجوع الى أعلى الصفحة اذهب الى الأسفل
الشاعر محمد فتحى السيد
رئيس مجلس الإدارة
رئيس مجلس الإدارة
avatar

عدد المساهمات : 317
نقاط : 513
السٌّمعَة : 0
تاريخ التسجيل : 18/10/2011
العمر : 52
الموقع : مصر

مُساهمةموضوع: رد: معقول( بهاء غازى)   الأحد 26 فبراير 2017 - 11:35

شكرا لك على المساهمة القيمة
وإن شاء الله القادم أجمل
لك أرق تحية وباقة من الفل والياسمين
الرجوع الى أعلى الصفحة اذهب الى الأسفل
 
معقول( بهاء غازى)
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
رابطة شعراء العامية المصرية :: الشعر العامي المصري والعربي بكافة ألوانه-
انتقل الى: