اتشاطي من تتين أزمه

ءاتشاطي من تلاتين يارده

وجيتيني سريعه ومرتده

خادتك على صدري بحنيه

بكل هدوء واعصاب بارده

ونزلتي من حضني لحجري

نطقتك كام مره وتجري

وجريت ورا منك وهربتي

فا لبستي بوشك ف العرضه
،
ءاتشاطي من تلاتين يارده

وانا فاكرك طايعه ومتهاوده

فا رفعتك فوق راسي بسرعه

وهديتي بروحك من الخضه

ونزلتى من تاني تنطي

وجريت ورا منك من خيبتي

و لقيتك تاني اتكعبلتي

فا صعبتي عليا من الخبطه
،
ءاتشاطي من تلاتين يارده

ورجعتي وقولتيلي اهي غلطه

مش هارجع اسيبك واتنطط

والشوطه فاكرها كات واحده

كام مره اتنطقتي يا كوره

كام مره ءاتباستي يا أموره

صدقت ءانها كانت شوطه

واتاريها من تلاتين ... فارده
،
ءاتشاطي من تتين أزمه

ءاطناتهم مشوده وجامده

ف الأول يتخانقو عليكي

والأخر .... تتشاطي بشده

وبيهتف جمهور مش فاهمك

ونجيل الملعب مش طايقك

ولبستي ف الشبكه فرحتي

فاديتي لهدافــك ... عضه

.
رضـا عثمــــان

شكرا لك على المساهمة القيمة
وإن شاء الله القادم أجمل
لك أرق تحية وباقة من الفل والياسمين