قصيدة"" حبه جنان "" للشاعر ابراهيم بيومى محام با لنقض الخميس 28 يوليو 2011

قصيدة"" حبه جنان "" للشاعر ابراهيم بيومى محام با لنقض الخميس 28 يوليو 2011

"" حبه جنان ""

**********

فتحت طريق قلبى عينيك

ورموشك الحلوه الربانى

سمحوا لقلبى ينادى عليك

وكمان سابوا قلبك يهوانى

ولما ايدى لمست ايديك

حسيت انى فى كون تانى

ناديت وبوحت بحبى اليك

وصرخت بكل كيانى

سمع ندايا شوقى اليك

وسابنى لوحدى ولا جانى

وبعد دا كله بتتحدانى

تنسى ودى وتنسانى

تزرع منى الخوف يا زمانى

ويشوف قلبى جراح وياك

واسكت لما يجينى رضاك

أشرب كاس الحب معاك

تسكر روحى وتنسى اساك

وارجع تانى معاك من الاول

احكى واذيد يمكن تتحول

ساعه يكون زى البركان

تطلع ناره اشكال والوان

وساعه القاه عاشق ولهان

وبيطلبنى بشوق وحنان

وأما اجيله وانا هيمان

يمشى يسبنى للتوهان

ساكن عقله ملوك الجان

والله دا حبه حب جنان

شكرا لك على المساهمة القيمة
وإن شاء الله القادم أجمل
لك أرق تحية وباقة من الفل والياسمين

» قصيدة "" خمسه وعشرين يناير "" للشاعر ابراهيم بيومى محام بالنقض
» قصيدة "" أمتى "" للشاعر ابراهيم بيومى المحامى
» قصيدة "" أمتى "" للشاعر ابراهيم بيومى المحامى (فديو)
» قصيدة ( أمى ) للشاعر عبد الباسط السرسى
» قصيدة( ياللى شاغلنى)للشاعر محمدعبدالعزيزعطا