من رباعياتى

1
بدأت نهاية البداية اللى مبتدتش
خيال مقاتة ومتكتف بكبشة قش
لا خيال المقاتة محتاج لتكتيفة
ولا تكتيفة القش هتهش يوم وتنش

2

فـ رحلة المشاوير كان الطريق مسدود
مِشيناه بقوتنا .. وبعزمنا المشدود
هَبت رياح اليأس .. مات الأمل مقتول
قولنا احكُمى يابلدنا.. قالت هاتولى شهود

3

تعالى شوف البلد بعد الولاد ما حموها
رجالة والله صحيح ندهت لهم نجدوها
أول ما بدأ الجد .. جابوا عليها واطيها
من تحت سابع أرض .. فوق للسما رفعوها

4

لمَّا البلد ندهت على الثوار
لَبّوا النِدى وخَطّوا فى المشوار
قتلوا السكوت بكلام يرُد الروح
أن الأوان يامصر تكونى مـ الأحرار

شكرا لك على المساهمة القيمة
وإن شاء الله القادم أجمل
لك أرق تحية وباقة من الفل والياسمين

» من رباعياتى سلام مربع