أمجاد يا عرب أمجاد

[b]أمجاد يا عرب أمجاد
ورجالنا فى وقت الا زمات
يتفرجوا على الافريكانو
ويميلوا هناك لما يميلوا
طبعا دا مفتاح النصر
والشاطر يرفع ايده فى الفصل
اوعى تقولى دا اخر فصل
قولى بداية الامجاد
ويا فرحة عدونا فينا
شمت فينا بايدينا
قولى يا بيه بقى قراراتك
العنترية و الفوضوية و المستحية
الباشا الملهم بيسقف
والتانى قاعد مكتف
ما تقولى بقى خزيان من ايه
ما تقوم تاخدلك راقصة معاهم
واحنا حنعمل موش شايفين
وغنى معاهم وقول وياهم
شعوبنا ودانهم دى من طين
يا الله فرفش يا الله نعنش
دا ساعة الحظ متتعوضش
وأمجاد يا عرب أمجاد
ضاعت غزة رمز العزة
شوفنا الكلب بيهتك عرض
وأسيادنا يا ليلى يا عين
شوفنا عراق شوفنا دماء
ملت بدل النهر اتنين
شوفنا ترابك يا ام الدنيا
يتباع لعدوك بالملاليم
شحتوا غازك
فتحوا بوغازك للملاعين
يعذبوا فينا يقتلوا فينا
ما احنا كده ضايعين ضايعين
خالتى ثنية ماشية فى حالها
قاموا اخدنها تحرى يومين
ليه يا اولادى تبهدلوا فيا
دا مهما كنت انا برضه ولية
وبولول على ولادى الاتنين
اللى راحو فى حرب اكتوبر
وارواحهم راحت بالملاليم
وكنت بقول تسوى الملايين
ويا ريتهم كانوا معايا الاتنين
كانوا اكلونى او شربونى
كنت الاقى قلب حنين يضمنى
كنت اتمنى كلمة حلوة تهذنى
كنت اغنى نشيد بلادى
كنت اغيظ به الاعادى
اللى مزعلنى
مش دم ولادى للوطن
اللى مزعلنى ارض بلادى
اللى راحت ادامى هدر
وضريبة الدم أقبضها منين

كتبت هذه القصيدة أثناء اجتماع القادة العرب
فى قمة عربية بسرت بليبيا
فبدل من أن يجدوا حل لغزة التى يدكها اليهود
قضوا ليلة سعيدة وممتعة مع راقصات افريقيا
ولا عزاء للشرفاء
وسبحان المعز المذل
كان فعلا أخر فصل من فصول هؤلاء الطغاة

مودتى للجميع
عيد خليل
العصافرة المنصورة م[/b]صر

شكرا لك على المساهمة القيمة
وإن شاء الله القادم أجمل
لك أرق تحية وباقة من الفل والياسمين