بابنا الموارب - محمد سعد دويدار

#جديد #بابنا_الموارب


اللي فات مش مات وعدا
لسه أثره في النفوس
والجراح اللي اختارتنا
عرض مسرح مش كالوس
يعني مهما الوقت يجري
مهما هنداوي في ألمنا
مهما هنمثل تملي
هنفتكر طعم انهزمنا
..
اختيارنا هو تارنا
والسبب بابنا الموارب
لما صُنا ناس مريضه
طلعوا في الأخر عقارب
يبقى عيبنا
ومش نصيبنا
عشان بإيدنا اختارنا دول
قولنا ناس هيشرفونا
مشيو فجأة وغفلونا
باعوا مارعوش الأصول
..

عرض ساري مش اختياري
كاس وداير ع القلوب
اللي عاش بسذاجه لحظة
فوري وبدون الملاحظة
ع الطيابه يعيش في محنه
وينكسر قلبه يادوب
..
اختيارنا هو تارنا
والسبب بابنا الموارب
لما صُنا ناس مريضه
طلعوا في الأخر عقارب
يبقى عيبنا
ومش نصيبنا
عشان بإيدنا اختارنا دول
قولنا ناس هيشرفونا
مشيو فجأة وغفلونا
باعوا مارعوش الأصول
#عرض_ساري
#محمد_دويدار
9:50 PM 8-3-2023