الشعر النبطي ( حبيبي نام يا عمري )

حبيبي نام يا عمري
حبيبي نام يا عمري على صدري
وصارحني وفضّ الصّمت باحساسك وخلّ الحبّ لي يجري
وفضفض لي بعد عمري وعاتبني وفهمني
أنا أطري على بالك كثر ما أنت عليّ تطري؟
تعال أقرب من أحضاني ترى خدّك مواعدني
يبي يلامس شغف روحي ويقطف بوحي من شعري
تعال أنثر هنا ليلك وخلّ ويلك يولّعني
أنا أحبّك وأبي قربك ترى منّي قضى صبري
أنا نبضك زهر أرضك وأنت؟ إيه تملّكني
بنحل خصرك..جمر ثغرك وزود بلونك الخمريّ
تتوهّني تغرّقني ومن بردك تدثّرني
وتبكي لي وتشكي لي وله قلبك ومن سحري
أبي دموعك مع أنفاسك بصدق الود تحرقني
وأبي عطرك مع سحرك وآهك بالحشا تسري
أبي همسك يبعثرني غلا ولمسك يلملمني
وأبي عيونك من عيوني تذوب من الولع كثري
وأبي عهدك مع وعدك وأبي كلك تسلمني
أبي أيدك تسافر بي وزهر قدك يلحفني
وأهيم بعالمك عاشق جنوني أنت وأنت بي تدري
تشوف الجمر بعيوني؟ تشوف الشوق جنني؟
أجل تدري مثل ما أدري بأنك حلمي يا بدري
حبيبي قوم وصارحني عن احساسك وعلّمني
أنا أطري على بالك؟ كثر وما أنت علي تطري؟

» الشعر النبطي ( خسارة )
» الشعر النبطي ( التجارب )
» الشعر النبطي ( يا سخيف الذّرعان )
» دراسة تحليلية وتاريخية رائعة عن الشعر النبطي
» الشعر النبطي . بقلم الشاعر محمد فتحى السيد