رابطة شعراء العامية المصرية

رابطة شعراء العامية المصرية

ملتقى شعراء العامية المعاصرين من محافظات مصر .أسسها الشاعرمحمد فتحى السيد على فيس بوك فى24 يناير 2011
 
الرئيسيةمكتبة الصورس .و .جبحـثالمجموعاتالتسجيلدخول
. . . . . . . . . . أهلاً ومرحبا بكم فى موقعكم الراقى بكم رابطة شعراء العامية المصريةتأسست فى 24 يناير 2011 رئيس مجلس الإدارة الشاعر محمد فتحى السيد
سجل بياناتك وأجمل إبداعاتك فى موسوعة شعراء العامية المصرية .. استمتع بكافة ألوان الشعر العامى المصرى والعربى وتعرف على أحدث ألوان العامية العربية ( مربعات الأرابيسك المعشقة ) برعاية الشاعر محمد فتحى السيد مبتكر هذا الفن وتمتع بالمشاركة فى مسابقاتنا فى كافة ألوان الشعر العامى

شاطر | 
 

 القهوة , كلمات الشاعر فؤاد حداد

اذهب الى الأسفل 
كاتب الموضوعرسالة
Admin
رئيس مجلس الإدارة
رئيس مجلس الإدارة
avatar

عدد المساهمات : 1546
نقاط : 2883
السٌّمعَة : 9
تاريخ التسجيل : 12/10/2011
الموقع : مصر

مُساهمةموضوع: القهوة , كلمات الشاعر فؤاد حداد    السبت 25 فبراير 2017 - 11:46

القهوة , كلمات الشاعر فؤاد حداد
--------------------
القهوه تحبّ كنكه

والكنكه تحب كنبه

والكنبه تحب قعده

مبسوطة مربّعه

وكنّا أربعه

أنا وانتِ وأنا وانتِ

*****

وكنا عيون كتير

وطبليّه وزير

ولا بنحبّ نبكي

ولا بنعرف نطير

أنا وانتِ وأنا وانتِ

*****

سبنا البوسطه ورانا

في الترماي اللي داير

العتبه للإمام

كان ريقك جنبي ساكت

حبّيتك من زمان

أنا وانتِ وأنا وانتِ

*****

شمّيت لادن سعيد

شمّيته من بعيد

شمّيته من قريّب

خمس سنين حاغيّب

على الشماعه خايف

وباخاف على الدولاب

وبادوب على البلاط

وباحسّ الظله تقلت

وباسمع الوابور

وباحسّ الميّه تقلب

أنا وانتِ وأنا وانتِ

*****

الظُهر الشمس تلحس

الظله في الليمان

والظهر الشمس تعمل

سيبرتايه دهب

بصينا لبعض فيها

ومشينا لبعض نبكي

وقعدنا من التعب

أنا وانتِ وأنا وانتِ

*****

باقول لك إيه باقول لك

حاجيب حاجات قديمه

قلبي كوره شراب

نلعب والا ما نلعب

فرحت لنا المدينه

وامبارح في التراب

أنا وانتِ وأنا وانتِ

*****

وبنفرش ضينا

على ظلّة بعضنا

واحنا بنبرد هناك

علشان ندفا هنا

والقهوه تقول لنا

على بال النار ما تلسع

بتبقى حنيّنه

أنا وانتِ وأنا وانتِ .
الرجوع الى أعلى الصفحة اذهب الى الأسفل
http://poetmohamedfathy.forumegypt.net
 
القهوة , كلمات الشاعر فؤاد حداد
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
رابطة شعراء العامية المصرية :: نجوم الشعر العامي المصري والعربي-
انتقل الى: