جـابر سلطان . تحت المطر

جـابر سلطان . تحت المطر
-----------------------
تحت المطر والمظلة
بين أيدينا
كانت عينينا
طير مسافر
منّا فينا
كنتى خايفة وكنت خايف
وانفعالات الشفايف
رغم المطر والبرد كانت بتنادينا !
كنا متخاصمين وكنا
جايين عشان ننهى اللى بينّا
فجأة زق البحر موجه
والمطر غرّق هدومنا
إبتسمتى .
وابتسمت
واتقابلنا بحضن صمت
والمطر طبطب علينا
بوّش الحزن اللى فينا
كنتى خايفة وكنت خايف
وانفعالات الشفايف
رغم المطر والبرد
كانت بتنادينا
يا حبيبتى
ياللى ملامحك.
ملامحى
لو هاودتى
ملحك المخلوط بملحى
نبدر الأحلام نوارس ع البيوت
نحضن الأمطار ونجرى
ع الشطوط
ومهما ليل الحزن
سافر حزنه فينا
شمسنا
أنا وانتى
لا
يمكن تموت

أحسنتم الاختيار فشكرا لكم على الإمتاع

» عبد الحليم الزلوعى . صباح المطر
» جابر سلطان . ضـلـك
» تكريمى فى الاسكندرية بالقب سلطان العامية
» ثورتنا شعور . كلمات سلطان ابو هدى الزمرى