أصحى وفوق للشاعر محمد سعد دويدار

أصحى وفوق
****************************
أصحى فوق يا بن البلد
فتّح عيونك يا ولد
أزاي تكون ابن البلد
والقلب مش تعبان عليها
أزاي تكون ليها السند
وتشمت العدا فيها
تقدر تقول
مين بعد ربك
كان حاميها
و بعدك أنت
مين يبقا ليها
الغريب خايف عليها
ليه الغباوة
وأنت على كل شبر
فـ أرضها كبرت فيه
وبين حيطانها
نمت صحيت
وحلمت فيه
ونيلها دا
منه ارتويت
مين اللي سهران
الليالي على الحدود
ما هو برضه اخويا
كمان أخوك
طب لية يموت
ما هو مات عـشانك
يا للي بعت خلاص بلادك
يا للي بعت امك وأبوك
فـ خلي بالك م العدا والكارهين
يستعبدوك
فـ خلي بالك م العدا والكارهين
يستعبدوك
وفكر يوم انك تخالف
يقتلوك
ووسط الصحارى يجرجروك
والكلاب حـ يقطعوك
أصحى وفوق
مصر عزة وفخر لينا
مصر مش عاوزة السكوت
انهض وقول
عاشق ترابك يا بلد
أنا لو حـ موت
عاشق ترابك يا بلد
أنا لو حـ موت
12/2015
#أصحى_وفوق
#محمد_دويدار