قصيدة رساله للشاعر محمد سعد دويدار

رساله

من15/7/2016ألى 23/7/2016

************************************************

رساله من صمام القلب لعيونك

ومكتوبه من العاشق ومجنونك

يا ست الليل

يا فارده على الهوا رمشك

نفسي فـ حضن من توبك يدفّيني

ينسّيني الهموم والآه

يا بحر من الحنان فايض

وانا غرقان ما بين موجك

بحس حياه

وحشني الضحك فـ خدودك

وحشتني كتابه الأشعار

يا لحن من الكمان طاير

يا كل الورد و الأزهار

أنا فـ بُعدكِ يتيم محروم

طاير من جفوني النوم

قتلني البُعد وغيايبك

حسّيت باني مش موجود

والهم مُقيم في شُرياني

مفيش للفُرْح أي حلول

فأقوم هربان لأحلامي

وأنا وحدي في وسط الكون

والظلمة كات محوطاني

ما فيش مخلوق يساندني
مفيش ما يّه

حـ موت م الجوع

رصاص البرد غالبني

وقعت بنام وانا موجوع

لقيتك فجأة نور ساطع

كإنك واقفه قدّامي

وقلبك بيتي عنواني

أشرب من كلام سكر

واكل من عسل قلبك

وأنام في أمان قريب منك

غريبه شوية أحلامي

باحلم بيكي وأنا صاحي