قصيدة #ممنوع_نحب للشاعر محمد سعد دويدار

ممنوع نحب    20/8/2016
*******************************

مَمْنوع نصارِح أىْ حد بحُبّنا
مهما بتْكون الظّروف
مطلوب ندمر حلمنا
عشان عاداتنا المؤلمة
ونعيش فى خوف
قالوا إن الحب عيب
وانه مش همس وهيام
الحب عمره ما كان كلام
الحب يعنى الاهتمام
يعنى الامان والاكتفاء
يعنى الثقة و الاحتواء
الحب فى البعد الألم
يعني بيفيض اشتياء
يعني الدعاء للحبيب
والمغفره لو فيه فراق
الحب بحر وموجه هادي
خالي من أي اشتباه
الحب روح للجسد
بتحسسه بطعم الحياه
لو الأيام حـ تمنعني
وكل الكون حـ يتحدى
عشان الحب أقول لا أ
بعلو الصوت
عشان الحب مش عيبه
ولا كذبه
وحا فضل أقول
بحب عيونك السودا
لحد ما موت

#ممنوع_نحب

#محمد_دويدار