رساله للشاعر محمد سعد دويدار

رساله

من15/7/2016ألى 23/7/2016

************************************************

رساله من صمام القلب لعيونك

ومكتوبه من العاشق ومجنونك

يا ست الليل

يا فارده على الهوا رمشك

نفسي فـ حضن من توبك يدفّيني

ينسّيني الهموم والآه

يا بحر من الحنان فايض

وانا المركب الغرقان

ما بين الموج يحس حياه

وحشني الضحك فـ خدودك

وحشتني كتابه الأشعار

يا لحن من الكمان طاير

يا كل الورد و الأزهار

أنا فـ بُعدكِ يتيم محروم

طاير من جفوني النوم

قتلني البُعد وغيايبك

حسّيت باني مش موجود

والهم مُقيم في شُرياني

مفيش للفُرْح أي حلول

فأقوم هربان لأحلامي

وأنا وحدي في وسط الكون

والظلمة كات محوطاني

ما فيش مخلوق يساندني

مفيش مايه

هموت مـ الجوع

وقعت بنام وانا موجوع

وفجأة لقيت في نور ساطع

فَقومت جريت

أبُص ألقاكِ قدّامي

قلبك بيتي عنواني

أشرب من كلام سكر

وأكل من عسل قلبك

وأنام في أمان قريب منك

غريبه شوية أحلامي

باحلم بيكي وأنا صاحي

#رساله
#محمد_دويدار