قصيدة _شجرأحلام _للشاعر محمد سعد دويدار

شجر أحلام
*****************

قلبي يا موجوع

إحكي وفضفض لي

بدّل بُكايا دموع

تروي سنيّن صبري

إرسم شجر أحلام

مَحلِمش يوم بينا

غازل عيون الحور  

إوعاك تحب فـ يـوم

وانسى ليالينا

إقتل جراح الآمس

هات الشمس من بكره

وزيّن صورة للذكرى

جوا النّن فـ عنينا

الأحلام خلاص ماتت

وِالدموع

فاضت وقتلت كل صوت

مسموع

والدم إشتاق لشرياني

فـ يا من حَبْ إسمعنيْ

كل الشجر. ورقه كتير ..!

وبيزيّن أكيد الشّكل

أما فـ شجرة الأحزان

وِحرماني

فكان حلمين

الأول كان بيخدعني

يداري الكدب فـ عيونه

يظهرلي حنان قلبه

والدمع بيشكي فـ جفونه

التاني كان بيترجّى

وخاف عليّا من جرحه

لـ يكون مصيري ومصيره

كما الأول
فـَ راح باعد

فكان جارح

الشمس الجايه خلاص فاتت

وخسرت انا كل من الحلمين

فـ بقيت سارح

بكرا الجاي

مهوش بكرا

عشان مدفون

من انبارح

#شجر_أحلام
#محمد_دويدار

13.05.2016_12:46:44