الشاعر مصطفى الاكادورى - قصيدة عن مركز دار السلام اتحدث

قصيدة عن مركز دار السلام اتحدث    
للشاعر مصطفى الاكادورى

فوق فى السما ..............طار عصفـــور
من بين اخواته .............بينادوه منصور
فرد جناحه ...... وعلا صياحه ..........وفضل يدور ويدور
وبيقلكم يلا بينا على دار السلام بلد النور
يلا بينا على دار السلام نشوف المتخبى والمستور
ومتخفوش هنخدها قرية قرية كدا بالدور
طار عصفور وشد الطيرة بسرعة قوية
وفجأة فى طريقه لقى لافته فى دخلة مزوية
كلها حزن ودم...............واهلها فوق راسهم شايلين هم وغم
ومفيش فيها خير لابين اخ واخوه ولا بين خال ولا عم
قالوله دى البلابيش
لا نافع معاها حكومة ولا جيش
وحدها موسوعة سلاح
وعلشان الثأر تعلن الكفاح
وحكومة خايفة .......... ورقابة مفيش.......وضايع عن اسمها المنظور
طار منصور حزين القلب ..........من اللى شافه من النار والحرب
وفجأة صرخ بسرور .........قلناله مالك قال شفت النور..........ارض كلها بساتين وزهور
قلناله دى اولاد سالم ...........وطن وحده بالخير مشهور
بس والله خسارة .........كل ده ما يبقى امارة
والورد اللى شافه صدقة محطوطة فوق قبور
زعل منصور .......زعل منصور
وحلف ما هكمل فى دار السلام
وقال البلد دى السكوت عنها احسن من الكلام
لما البلد يبقوا ساكتين ناسها
ومش همهم يرفعوا راسها
وهما عارفين ان هما اساسها
وفكرهم بالجهل مغمور
لما البلد تبقى للمجرمين خادمة
وللعلم والعلمــــــاء هــــــــادمة..........يبقى البلد دى عمرها ما هتشوف النور

‫#‏مصطفى_الاكادورى‬