رابطة شعراء العامية المصرية

رابطة شعراء العامية المصرية

ملتقى شعراء العامية المعاصرين من محافظات مصر .أسسها الشاعرمحمد فتحى السيد على فيس بوك فى24 يناير 2011
 
الرئيسيةمكتبة الصورس .و .جبحـثالمجموعاتالتسجيلدخول
. . . . . . . . . . أهلاً ومرحبا بكم فى موقعكم الراقى بكم رابطة شعراء العامية المصريةتأسست فى 24 يناير 2011 رئيس مجلس الإدارة الشاعر محمد فتحى السيد
سجل بياناتك وأجمل إبداعاتك فى موسوعة شعراء العامية المصرية .. استمتع بكافة ألوان الشعر العامى المصرى والعربى وتعرف على أحدث ألوان العامية العربية ( مربعات الأرابيسك المعشقة ) برعاية الشاعر محمد فتحى السيد مبتكر هذا الفن وتمتع بالمشاركة فى مسابقاتنا فى كافة ألوان الشعر العامى

شاطر | 
 

 مساجلة فى مربعات فن الواو تضم 53 مربع عن حوادث القطارات

اذهب الى الأسفل 
كاتب الموضوعرسالة
Admin
رئيس مجلس الإدارة
رئيس مجلس الإدارة
avatar

عدد المساهمات : 1546
نقاط : 2883
السٌّمعَة : 9
تاريخ التسجيل : 12/10/2011
الموقع : مصر

مُساهمةموضوع: مساجلة فى مربعات فن الواو تضم 53 مربع عن حوادث القطارات   الأحد 27 مارس 2016 - 15:28

مساجلة فى مربعات فن الواو تضم 53 مربع
خاصة بحوادث القطارات المتكررة
الشطرة الأولى موحدة . إبداع راقى للغاية
جمع مربعات السيجال الشاعر / محمد عودة
........... (( مربعات فن الواو .. لأعضاء رابطة شعراء العامية )) .........
الأخوة الأعضاء .. هذه حصيلة المشاركات التي بدأها الأستاذ الشاعر / محمد فتحي ..انتقيت منها ما هو منضبط وزنا .. ومكتمل معنى .. ونحيت جانبا قدر استطاعتي كل رباعية مخالفة .. ورتبتها حسب ورودها في التعليقات مقترنة باسم كاتبها
وأتمنى لو أعدنا ترتيبها حسب المعنى وتكامل الفكرة .. وتطورها .. لتجعل منها قصيدة واحدة .. فما رأيكم .. دام فضلكم
*************************
1 ـ غبّر فى وشى بابورك عاملالى لمه و غارة
رمتينى فاخر طابورك و بلعنى ليل المغارة / عبد الستار سليم
2 ـ غبّر فى وشى بابورك يرحم زمان الحمارة
سايقه البابور رافعه زورك وابوكى بواب عمارة / هاشم عوض الله
3 ـ غبّر فى وشى بابورك كتملى كل المسالك
توه خضارى فى بورك ونهارى أنا ومسالك / محمد فتحي السيد
4 ـ غبّر فى وشى بابورك ضاعت معاه ابتسامه
طلعت الشمس بحضورك ترمى فى حضنك سلامة / سمير أحمد القط
5 ـ غبر فوشي بابورك قلبلي كل المواجع
وبعت قلبي يزورك حلف يمينين مراجع / حامد عامر
6 ـ غبر فوشي بابورك حببني فالهم دايم
غرقت مراكبي فبحورك وده كله لاجل الغنايم / حامد عامر
7 ـ غبّر فى وشى بابورك الحلو عن عينى غاب
احبابى سكنم قبورك وحالى أصبح هباب / محمد فتحي
8 ـ غبّر فى وشى بابورك تاهت فى قدمى علامة
كتب قلمى ف سطورك عادت لروحى السلامة / سمير أحمد القط
9 ـ غبر في وشي بابورك والحظ مديني بمبه
اكلت لحومنا نسورك ودقوا لدمانا الطرمبه / حامد عامر
10ـ غبر فى وشى بابورك نزلت دموع الندامه
الخلق نامت فى دورك ع النهضه يالله السلامه / محمد فتحي
11 ـ غيز فوشي بابورك .. خربت بيتي و نايم ..
من كتر ظلمك وجورك .. لحمك هخليه رمايم / نزيه تركي
12 ـ غبّر فى وشّى بابورك دبـّل نضارة عيالك
مين اللى عطّل أمورك وجاب جميع العيا لك / علي جامع
13 ـ غبر في وشي بابورك كرهني فاهلي و ناسي
ماتو الغلابه فجحورك والعدل تـايـه و ناسي / حامد عامر
14 ـ غبّر فى وشى بابورك وانا من الهم طافح
ضيع جمالك غرورك حلفت عمرى مصافح / محمد فتحي
15 ـ غبر فى وشى بابورك عمت عنيا غبارته
تغورى ويغور غرورك قلبى اللى حبك نحرته / علي حامع
16 ـ غير في وشي بابورك ....... فتحت باب للغايب ..
مستني لحظة ظهورك ...... يشكي فراق الحبايب / نزيه تركي
17 ـ غبر فوشي بابورك بعّد مابينا المسافه
وبدمي وفيتي ندورك ولا حتي جيتي القرافه /حامد عامر
18 ـ غبر فى وشى وابورك و بدون ما يدى اشاره
اجف واستنى دورك خدلك وشين عفاره / مصطفى صوار
19 ـ غبّر فى وشى بابورك فـرم الولاد البـريـئـه
والدم بـين جمهورك بكا الرجال الجريـئه / محمد فتحي
20 ـ غبر فى وشى بابورك غباره مالها مثيل
جبناه يضوي لنا نورك عيشنا فى ليل ٍ طويل / علي جامع
21 ـ غبر في وشي بابورك و قلب ميزان العداله
ملعون ابوها قصورك ابدا ماتشبع قواله / حامد عامر
22 ـ غبّر فى وشى بابورك عضت لحومنا كلابك
طلعتى عرجك وعورك ودفنتى زينة شبابك / محمد فتحي
23 ـ غَبَّرْ في وشِّي بابورك .. شَعْوَط حَوَاجْبِي وشُعُورِي
لَوْ صَح ْ عِشْقِي و بُورِك .. كنتي راعيتي شُعُورِي / عبد الباري امام
24 ـ غبر في وشي بابورك خلاني اجري لمقامك
وبايه يفيدني بخورك ما قتلتي روحنا بمنامك / حامد عامر
25 ـ غبر فى وشى بابورك .. توهنى وسط الزحام ..
حتى فى اتفه امورك .. بطلت اسطر كلام / محمود عطية
26 ـ غبر فى وشى بابورك ولا خفت زى اللى خاف
انا لقمه واقفه فى زورك هقلب سنينك عجاف / مصطفي صوار
27 ـ غير فوي شي بابورك .. بكفايه قـلـنـا و قـال ..
لما الكبير يبقي شورك .. هتزيد في عين الرجال / نزيه تركي
28 ـ غّبر فى وشى بابورك و فرشت ليلى دموع
ياما غرقت ف بحورك و تهت من غير رجوع / شوقية كامل
29 ـ غّبر فى وشى بابورك وسهم حبك رمانى
وجعلى قلبى غرورك والحزن ياما عمانى / شوقية كامل
30 ـ غبر في وشي بابورك ومعدي واخد في وشـه
قلبي بعته يــــــزورك خايف بابورك يدشــــه / كمال الحمراني
31 ـ غبر في بابـــــــــورك عبي العميمه ترابـــي
اهو جاني يادنيـادورك جرحك مربي ترابــــي./ كمال الحمراني
32 ـ غبر في وشي بـــابورك الله يجازي الفرامــل
اهوجاني يا دنيـــــادورك والجرح ربي دمــــامل/كمال الحمراني
33 ـ غبر في وشي بابــورك ولا حتي ضارب سارينـه
زغللتي عيني بنـورك جرحك في قلبي سالينـه./ كمال الحمراني
34 ـ غبر في وشي بابــورك والدنيا كيف كحل ضلمـه
ع الخلق ليه طافيـه نـورك ومفرقه كـل لمــه / كمال الحمراني
35 ـ غبر في وشي بــابورك وبيدي واقف أشــاشي
اهو جاني يادنيـا دورك حزمت صلبك بشـاشي / كمال الحمراني
36 ـ غبر في وشى بابورك توه منى المراسى
بجد مثلت دورك واخدت كل الكراسى / مصطفى صوار
37 ـ غبر في وشي بابــورك ودهسني تحت العجـاله
الصبر راكب بابـــــــورك فاتنا قلوبنا عـجــــالـه / كمال الحمراني
38 ـ غبر في وشي بابـورك فاتني في سوق النخالـه
ياللي انتي فارده شعـورك علي كتف كله نـــداله/ كمال الحمراني
39 ـ غبر في وشى بابـــورك خلانى انسى ملامحى
قاعد ترعى فى قصورك ونسيت عيشى وملحى / مصطفى صوار
40 ـ غبر في وشي بابــورك نطيت بقيت في السـبـنـسـة
حالفه لا توفي نـــدورك آن الآوان ولا لســـــــه / كمال الحمراني
41 ـ غّبر فى وشى بابورك دخانه غطى الوشوش
لاشفت سكة مرورك ولا شفت وشك بشوش / شوقية كامل
42 ـ غبر وشى بابورك ودهسنى تحت عجاله
دا دمى اصبح فطورك والندل ياكل عياله / مصطفى صوار
43 ـ غبــر في وشي بابورك ترابه مع الحـر لافح
داقه في ارضي خابــورك ومقطعالي الملافــح / كمال الحمراني
44 ـ غبر في وشي بــابورك كاسر لكل الحواجــز
دايما"تحني شعـورك والمر مالي القـــزايـز / كمال الحمراني
45 ـ غّبر فى وشى بابورك وتهت وسط الزحام
لا لاقيه دورى ف طابورك ولا لاقيه فيكى سلام / شوقية كامل
46 ـ غبر في وشي بابورك يام الشعور السوادي
ماتقولي ميتــه ازورك تايه انا في البـــوادي / كمال الحمراني
47 ـ غـبـر في وشـي بـابـورك وانتي غـبـرتي في وشـه
دلـوقـتي يـا حـلـوة دورك هـنـفـض عـن الـوش غـشه / محمد عودة
48 ـ غبر في وشي بابــورك و القطر حاد عن مسـاره
ميته بقي يفج نـــورك و القلب تجبر كســــــاره / كمال الحمراني
49 ـ غبر في وشي بابورك . . . ما همني من غباره
هاسبح واعدي بحورك . . . والصبر ماحلى مراره / محمد عودة
50 ـ غبر في وشي بابورك ..... وانا بـعـمل لك الشاي
يا رب يحرق في زورك ..... وتـحللي يوم عن قـفـاي / محمد عودة
51 ـ غـبـر في وشي بـابـورك ..... مش دي مـجــايـب أبـوكـي
يـحـرق ضـلالك و زورك .... عـلى سلسفين مين جـابـوكي / محمد عودة
52 ـ غير فى وشى وابورك .. طريقك ما عادش سالك
تقعد وتستنى دورك فى سكتك ياما هالك / حمادة النخيلي
53 ـ غبر في وشي وابـورك ..... .. فـاتـني و عـدى سـريـع
ما دمتي شاربة غرورك ........ قـلبـك ها يصبح صـريـع / محمد عودة
الرجوع الى أعلى الصفحة اذهب الى الأسفل
http://poetmohamedfathy.forumegypt.net
ريم عبده

avatar

عدد المساهمات : 51
نقاط : 53
السٌّمعَة : 0
تاريخ التسجيل : 23/06/2013
العمر : 28
الموقع : الدقهلية . مصر

مُساهمةموضوع: رد: مساجلة فى مربعات فن الواو تضم 53 مربع عن حوادث القطارات   الأحد 26 فبراير 2017 - 16:05

سجال جميل
سعدت بالمتابعة فشكرا لكم
مودتي واحترامي
الرجوع الى أعلى الصفحة اذهب الى الأسفل
 
مساجلة فى مربعات فن الواو تضم 53 مربع عن حوادث القطارات
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
رابطة شعراء العامية المصرية :: مساجلات شعرية بالفصحى والعامية-
انتقل الى: