بلد الحضارة ج2

............................
بلد الحضارة وانا
مالحقت موريتانى
خايف اسيبك سنة
مش هعرفك تانى
.........
بلد الحضارة وانا
مالحقت. جيبوتى
غورى كرهتك عما
ابواللى .جابوكى
.........
بلد الحضارة وانا
مالحقت سنغالى
غلوا القحايب هنا
ورخصوا الغالى
.........
بلد الحضارة وانا
ياريتنى بنجلاديش
شقيان بقالى سنة
لاجل اشتريلهم دش
........
بلد الحضارة يامصر
وعيشك ببــــــوطاقة
شقيانة فى كل عصر
وجمــــــــلك طلع ناقة
...........
بلد الحضارة وانا
ياريتنى كوت ديفوار
بطنى سكنها العنا
وعايش على الفوار
.......
بلد الحضارة كيف
والرعب مــــــاليكى
بومبة تفرقع تخيف
اتخن شنب فيكى
..........
بلد الحضارة قال
وفيفى المثـــــــالية
سهرت ليالى طوال
بكبارية المنوفية
.........
.........
بلد الحضارة وانا
العمرعدا ومضى
لاشفت فيكى هنا
بصالى ومنفضة
..........
بلد حضارة وتاريخ
ياريتنى من مالطا
عيشتك بقت زرنيخ
وهموت انا بجلطة
........
بلد الحضارة وانا
ياريتنى اوغندى
لاداق عذابى هنا
نلسون ولا غاندى
.......

.......
بلد الحضارة وانا
ياريتنى من زائير
وشك كرهتوا عما
ولا وش جولدامائير
........
بلد الحضارة وانا
بردان جعان حافى
هجموا عليا اللصوص
خدوا عيشى ولحافى
.......
بلد الحضارة وانا
ياريتنى من زائير
اكلوا عجولك كلها
وجابولنا لحم حمير

...........
بلد الحضارة وانا
ياريتنى سودانى
واجيب كلام منين
خفف يا حمرانى
.........
بلد الحضارة وانا
ياريتنى من كوبا
فيكى كنوز الدنا
وتملى منكوبـــــة
........
بلد الحضارة وانا
ياريتنى من شيلى
لروحك جبتى الشقا
شيلى بلوتك شيلى
..........
بلد الحضارة وانا
ياريتنى من روسيا
راكبين سفينتك سنة
لاهى سايرةولاراسية
........
بلد الحضارة وانا
ياريتنى اماراتى
واسيب فقرك هنا
واعـــــد دولاراتى
...........
بلد الحضارة يا مصر
فى شوارعك التماثيل
كام فيلا فيكى وقصر
وفقرك مالوهش مثيل
...........
بلد الحضارة ومال
وفيكى نيران قايدة
وسعد باشا قال
خلاص مفيش فايدة
.........
بلد الحضارة يامصر
ومش لاقى اتعشة
الندل ساكن قصر
والحر فى العشة
..........
بلد الحضارة يا قوم
وياريتنى مكسيكى
دول حرمونى النوم
ومطلعين ديـــــــكى
..........
بلد الحضارة يا عين
وياريتنى من بانكوك
متغرب بقالى سنين
عشان اجيب توك توك
..........
بلد حضارة ودهـــب
وياريتنى من كوبــــا
وباعــوا قمح و قصب
ولا خلوا كعروبـــــــة
..........
بلد الحضارة يا خوخة
وياريتنى من كوبــــــا
وافـوق من الدوخـــــة
أروح فى غيبــــــــوبة
..........
بلد حضارة وهرم
وياريتنى بريطانى
وكيف اعيش محترم
وكلابك محاوطانى
.........
بلد الحضارة يـاهو
ياريتنى من كشمير
حتى البقر عبـــدوة
وماداقوا لحم حمير
........
بلد الحضارة يا ناس
ويــاريتنى غرناطى
لو هشتغل كــــناس
ابدا ماراح اطاطى
........
بلد الحضارة يا خلق
وياريتنى م اليابان
الروح بقت فى الحلق
والخير لسة ما بان

.......
بلد حضارة وماس
ياريت انا فرنسى
تفتكرى كل الناس
واحنا خلاص تنسى
...........
..........
بلد الحضارة وانا
نايم على الاسوار
لاسرير ياناس عندنا
ولا حتى تل سوار
.........
.........
بلد الحضارة وانا
ونايم على المصطبة
راحت لــــيالى الهنا
والـــــدنيا متكركبة

........
بلد الحضارة وانا
يـــاريتنى بلجيكى
اتمنى اغيب 100 سنة
لاتجينى ولا اجيكى
..........
بلد الحضارة وانا
ياريتنى من تونس
وسماكى لية مظلمة
ولا بطن حوت يونس
........
بلد حضارة وخير
وانا ازقى بطنبورة
اية راح يصيبنا غير
المكتوب على القورة
.........
بلد الحضارة ياجيش
واناارعى فى معيزك
لو لسة مفهــــمتييش
خلية بقا ف (ط...)
..........
بلد حضارة وجاة
والمــــية مسمومة
ولنفسنا جبناه
وشه ولا البومة
.........
بلد الحضارة وانا
سارح بقدرة فول
بعتينا يا معفنا
ودخلتى عش فلول
...........
بلد حضارة وخير
ياريتنى نيجيرى
للندل فارشة حرير
وانا فرشى جرجيرى
...........
بلد الحضارة وانا
ياريتنى من ليبيا
الندل عيشتو هنا
وانا ببيع سوبيا
.........
بلد حضارة وسد
وعشايا انا بصارة
القرشينات ع القد
يامانفسى ف سجارة
.........
بلد الحضارة وانا
يـــــــاريتنى تنزانى
ياللى حبستى الضنا
ومســــرحة الجانى
.........
بلد الحضارة وانا
ياريتنى من دهشور
كنت فى سعادة وهنا
ودبحنى فتحى سرور
........
بلد الحضارة وانا
سارح بحزمة فجل
الارض صارت ضما
وبركت فيها يا عجل
.........
بلــــــد حضارة ودر
وبشحت ببكالوريوس
يامشربانا الــــــمر
جوزك طلع بوبوس
........
بلد الحضارة وشعب
محروم من الفرحة
العيشة بقيت غلب
والديك طلع فرخة

» مقطوعة مصر يا شمس الحضارة وارض المجامع للشاعر مصطفى الاكادورى