فؤاد حداد . المراجيحي

الحركة البركه

يا مراجيحي

يا علو حلو

يا مراجيحي

صابحين فاطرين لابسين أخضر

كلنا على بعضنا بندور

لسة امبارح كنت منور

بفلوسي فانوسي الوحاويحي

يا صلاة النبي نازلة وطالعة

عقل وخف ولعب وصنعة

أنا طتاير وفي ريحي القلعة

أنا طاير والقلعة في ريحي

زغروطة في قلبك من جوه

تنده على أش تلاقيه هو

والدنيا تقول لك يا بو قوة

ما أحلي مجاياتي ومراويحي

والهوا على البحري وعلي ودنه

والشاطر أكبر من سنه

والجد يقول أوعي تونوا

واش قد الجد التفاريحي

» المسحراتى فؤاد حداد
» الأسطى فؤاد موجود . فؤاد حداد
» فؤاد حداد . معلومات عنه
» حب الوطن . فؤاد حداد
» فؤاد حداد . حب الوطن