عزة الزرقانى ومحمد فتحى السيد ( نفسك تشوفنى ؟ )

الشاعرة عزة الزرقانى
..................................
نفسك تشوفنى ؟
وتشوفنى ليه ؟
ح تكون واحشنى ؟
ح تقول لى أيه ؟
بعد العمر ما عدى وراح
بعد ما قلبى نساك وارتاح
بعد خلاص ما طلع لى صباح
نفسك تشوفنى ؟
نفسك تشوفنى علشان عارفنى
صعب أن أعيش من غير عنيك ؟
وتشوف ملامحى تفرح بجرحى
تتشفى فيا دمعى يداويك
وتطيب جروحك وتهنى روحك
لحظة ما بضعف تضحك عنيك
نفسك تلاقى شمعى اللى باقى
أطفى نوره دبل شعوره
علشان شاريك ؟
أنا مش ح أقول لك
أن أنت كلك موحشتنيش
لكن بقول لك
من غير وجودك بقدر أعيش
واحلم واغنى وافرح لأنى
قدرت أبعد ومهمنيش
نفسك تشوفنى ؟
..............................
عزة الزرقانى
______________________
=================
رد الشاعر محمد فتحى السيد
.............................
نفسى اشوفك
ايوه طبعاً نفسى اشوفك
والايدين تحضن كفوفك
والغى حزنك وامحى خوفك
وارسم الفرحه ف عينيكى
صعب افرح يوم بجرحك
مستحيل اتشفى فيكى
نفسى اقرب منك اكتر
نفسى اعيش العمر ليكى
نفسى ادوق الشهد واسكر
م الحنان اللى مليكى
نفسى اكونلك خط سيرك
نفسى اكون قدرك مصيرك
تبقى ستى وابقى سيدك
تكتبى اسمى ف كشوفك
تحضنى شعرى بحروفك
متغبيش عن عينى لحظه
لجل طول العمر اشوفك
ايوه طبعاً نفسى اشوفك
.................................
الشاعر / محمد فتحى السيد

سجال جميل
سعدت بالمتابعة فشكرا لكم
مودتي واحترامي

» نجاة عبد الحليم ومحمد فتحى السيد ( كلام ورد غطاه )
» جيهان فتحي ومحمد فتحى السيد ( مانيش هامش )
» إيزيس غانم ومحمد فتحى السيد ( حاربونى بيك وحبة بخار )
» منيش هامش ابداع مشترك بين جيهان فتحى ومحمد فتحى
» محمد فتحى فى مساجلة شعرية مع عزة الزرقانى